ᐃᓕᑕᖅᓯᓂᑉ ᒥᒃᓵᓄᑦ
ᐃᓕᑕᖅᓯᓂᖅ ᖃᐅᔨᒪᔭᐅᑦᑎᐊᖅᑐᖅ ᐊᒻᒪᓗ ᐃᖅᑲᒋᔭᐅᑦᑎᐊᖅᑐᓂ ᐋᖅᑭᓱᖅᓯᒪᓂᖓᓂᒃ ᐊᒻᒪᓗ ᐊᐅᓚᑦᑎᓂᕆᓲᑦᑎᓐᓂ ᐊᔾᔨᐅᙱᑦᑐᒥᒃ ᐃᓕᖅᑯᓯᕐᒥᒃ ᑐᙵᕕᖃᖅᑐᑕ ᐃᓕᓐᓂᐊᖅᑎᑦᑎᓂᕐᒥᒃ ᐱᓕᕆᐊᖃᖅᑎᑦᑎᓲᖑᓪᓗᑕ ᐋᖅᑭᓱᖅᑕᐅᓯᒪᔪᑦ ᓄᓇᕗᒻᒥᐅᑕᕐᓄᑦ ᐊᒻᒪᓗ ᐃᖅᑲᓇᐃᔭᕐᕕᓄᑦ ᐊᐅᓚᑦᑎᔪᑦ ᐅᑭᐅᖅᑕᖅᑐᒥ.
ᑐᙵᕕᖃᖅᑐᑎᑦ ᓄᓇᕗᒻᒥ, ᐃᓕᑕᖅᓯᓂᖅ ᐱᓇᓱᐊᖅᑐᖅ ᑲᓱᖅᑎᑦᑎᒃᑲᓐᓂᓕᖅᑭᑦᑎᑦᑎᓇᓱᐊᖅᑐᓂ ᐃᓄᖕᓂᒃ ᐱᖅᑯᓯᕐᓄᑦ ᐊᒻᒪᓗ ᖃᐅᔨᒪᓂᐅᔪᓄᑦ ᐃᓕᖅᑯᓯᑦᑎᓐᓂ ᓯᕗᓂᒃᓴᒧᑦ ᑕᐅᑐᔅᓯᓐᓈᖅᑐᑎᑦ. ᐃᓕᑕᖅᓯᓂᕐᒥᒃ ᐃᓕᓐᓂᐊᒐᒃᓴᑦ ᓲᕐᓗᒃ ᓄᕕᖅᓴᖅᓯᒪᔫᔮᖅᑐᑦ ᑲᑎᖅᓱᖅᑕᐅᓯᒪᔪᑦ ᐃᓕᖅᑯᓯᕐᒥᒃ ᑐᙵᕕᓖᑦ ᐃᓕᓐᓂᐊᖅᑎᑦᑎᒍᑎᐅᔪᑦ ᐅᖃᐅᓯᓕᕆᓂᕐᒥᒃ, ᐅᖃᓕᒫᕆᐅᓴᓂᕐᒥᒃ ᐊᒻᒪᓗ ᐊᑐᖅᑕᐅᔭᕆᐊᖃᓪᓚᕆᑦᑐᓂᒃ ᐊᔪᙱᓐᓂᐅᔪᓂᑦ.
ᑐᑦᑕᕐᕕᖃᐅᕋᓗᐊᖅᑐᑕ ᐱᖓᓱᓂᑦ ᐃᖃᓗᓐᓂ, ᑲᖏᖅᖠᓂᖅ ᐊᒻᒪᓗ ᐃᖃᓗᒃᑑᑦᓯᐊᕐᒥ, ᐃᓕᓐᓂᐊᒐᒃᓴᑦᑎᓐᓂᑦ ᓇᓪᓕᑭᑕᐅᑎᑎᑦᑎᓲᖑᔪᒍᑦ ᐊᓯᖏᓐᓄᑦ ᓄᓇᓕᐅᔪᓄᑦ ᓄᓇᕗᓗᒃᑖᕐᒥ. ᐊᕙᑎᑦ ᐊᕐᕌᒍᑦ ᐅᖓᑖᓂᐅᓕᖅᑐᑦ, ᐃᓕᑕᖅᓯᓂᖅ ᐅᐱᒍᓱᑦᑐᑎᑦ
ᑕᐅᑐᙳᐊᖅᑕᕗᑦ
ᐱᔪᓐᓇᑦᑎᐊᖅᑐᑦ, ᓇᓗᖅᑯᑎᙱᑦᑐᑦ ᐊᒻᒪᓗ ᓇᖕᒥᓂᖅᓱᕈᓐᓇᖅᑐᑦ ᐊᐅᓚᓂᖃᕐᓗᑎᑦ ᓄᓇᕗᒻᒥᐅᑦ ᑲᓱᖅᓯᒪᔪᑦ ᐃᓄᐃᑦ ᐃᓕᖅᑯᓯᖓᓅᖓᔪᑦ.
ᐱᓇᓱᐊᒐᕗᑦ
ᐱᓕᕆᐊᖃᕈᒪᓕᖅᑎᓪᓗᒋᑦ ᓄᓇᕗᒻᒥᐅᑦ ᐃᓄᒃ−ᖃᓄᖅᑑᕈᓐᓇᕐᓂᖏᑎᒍᑦ ᐱᓕᕆᐊᓕᐅᕐᓗᑎᑦ ᑲᑎᑕᐅᓯᒪᓗᑎᑦ ᐃᓄᐃᑦ ᖃᐅᔨᒪᔭᑐᖃᖏᑦ ᐱᒻᒪᕆᓐᓂᒃ ᐊᑐᖅᑕᐅᔭᕆᐊᖃᓲᕐᓂᑦ ᐊᔪᕈᓐᓃᖅᐸᓪᓕᐊᑎᓪᓗᒋᑦ.
ᐱᒻᒪᕆᒋᔭᕗᑦ
ᐃᓄᐃᑦ ᖃᐅᔨᒪᔭᑐᖃᖏᑦ ᑐᙵᕕᒋᔭᐅᕗᑦ ᐃᖅᑲᓇᐃᔮᖃᕐᓂᕆᕙᑦᑕᑎᒍᑦ ᐊᒻᒪᓗ ᓄᓇᓕᐅᔪᓂᑦ. ᐃᓄᐃᑦ ᐃᓕᖅᑯᓯᑦᑎᐊᕚᓗᖏᑦ ᐱᒻᒪᕆᒋᔭᖏᑦᑕ ᑐᙵᕕᖏᑦ ᐊᒻᒪᓗ ᐱᒻᒪᕆᖏᑦ ᑐᑭᒧᐊᑦᑎᑦᑎᓂᐊᖅᑐᑦ ᐃᓕᑕᖅᓯᓂᒃᑯᓐᓂᑦ ᑭᓱᓕᒫᕐᓂᒃ ᐱᓕᕆᐊᖃᖅᑎᓪᓗᑕ.
ᖃᓄᖅᑑᕐᓂᒃᑯᑦ ᑎᑭᓐᓇᓱᐊᕐᓂᐊᖅᑕᕗᑦ ᐊᕐᕌᒍᓄᑦ 2021-2026
- ᐱᐅᓯᑎᒋᐊᕐᓗᒋᑦ ᐊᒻᒪᓗ ᐊᖏᓪᓕᑎᒋᐊᕐᓗᒋᑦ ᐃᓄᐃᑦ ᖃᓄᖅᑑᖅᓯᒪᓂᖏᑎᒍᑦ ᐱᓕᕆᐊᓕᐅᕐᓂᖅ
- ᓂᕆᐅᓐᓂᖃᓕᖅᑎᓪᓗᒋᑦ ᐊᒻᒪᓗ ᓱᓕᔪᒃᑯᑦ ᒪᓕᓪᓗᒋᑦ ᐃᓄᐃᑦ ᖃᐅᔨᒪᔭᑐᖃᖏᑦ
- ᐊᖅᑯᓯᐅᕐᓗᑎᑦ ᐃᓄᐃᑦ ᐱᓕᕆᐊᖃᕈᓐᓇᕋᓱᒋᓕᖁᓪᓗᒋᑦ
- ᐊᑯᓂᐅᔪᒃᑯᑦ ᑮᓇᐅᔭᖅᑎᒍᑦ ᐊᔪᖅᓴᕈᓐᓃᖅᓯᒪᓕᕐᓗᑕ