ᐱᓕᕆᖃᑎᒌᑦᑐᑦ
ᐃᓕᑕᖅᓯᓂᖅ ᐊᑲᐅᓈᖅᓯᒪᓪᓚᕆᑦᑐᑦ ᐱᓕᕆᖃᑎᖃᕆᐊᒃᓴᖅ ᓄᓇᓕᖕᓂ ᑭᒡᒐᖅᑐᐃᔨᒻᒪᕆᖕᓂᑦ ᓄᓇᕗᒻᒥᑦ ᑲᓇᑕᒥᓪᓗ: ᑮᓇᐅᔭᓕᐅᕋᓱᐊᖅᑎᐅᙱᑦᑐᑦ ᑲᑐᔾᔨᖃᑎᒌᑦ, ᐃᓄᐃᑦ ᑲᑐᔾᔨᖃᑎᒌᑦ, ᐱᓕᕆᖃᑎᒌᑦ ᐱᓕᕆᖃᑎᒌᖕᓂᖕᒧᓪᓗ, ᐃᓕᓐᓂᐊᕐᕕᖕᓂᑦ, ᓇᖕᒥᓂᖁᑎᓕᖕᓂᑦ ᓄᓇᕗᒻᒥᓪᓗ ᓄᓇᓕᖕᓂᑦ.
ᓇᓗᓇᐃᖅᓯᖕᒥᔪᒍᑦ ᖁᔭᓕᓪᓗᑕᓗ ᑮᓇᐅᔭᖃᖅᑎᑦᑎᔨᑦᑎᓐᓂᒃ ᐱᐅᔪᒻᒪᕆᖕᓂᒃ ᐱᓕᕆᐊᖑᕙᓪᓕᐊᔪᒪᔪᓂᒃ ᐊᒃᑑᑎᔪᓂᒃᓗ ᐃᑲᔪᕐᓂᖏᓐᓄᑦ ᐊᔪᕐᓇᙱᑎᑦᑎᓪᓗᓂ.
ᑮᓇᐅᔭᖃᖅᑎᑦᑎᔨᕗᑦ 2022-2023−ᒧᑦ
ᑮᓇᐅᔭᓂᑦ ᐃᑲᔪᖅᑐᐃᑦᑎᐊᖅᐸᓐᓂᖏᑦ ᑮᓇᐅᔭᖃᖅᑎᑦᑎᔨᑦᑕ ᐱᔪᓐᓇᑎᑦᑎᔪᑦ ᐃᓕᑕᖅᓯᓂᒃᑯᓐᓂᑦ ᐃᓕᓐᓂᐊᕋᒃᓴᓕᐅᖅᑎᑦᑎᓪᓗᑎᑦ ᐱᔭᐅᔭᕆᐊᖃᓪᓚᕆᓲᓂᑦ ᓄᓇᕗᒻᒥᐅᑕᓄᑦ.
ᐱᖓᓱᑦ ᑮᓇᐅᔭᖃᖅᑎᑦᑎᕙᑦᑐᑦ ᖁᑦᑎᓐᓂᖏᑦ ᑕᐃᔭᐅᓯᒪᔪᑦ ᓄᓇᕗᒻᒥ ᐆᒪᔪᖏᖕᓄᑦ:
ᖁᕕᐊᒋᔭᓪᓚᕆᒃ ᑐᒃᑐᑎᑐᑦ
ᐅᖓᑖᓂ $1 ᒥᓕᐊᓐ ᑮᓇᐅᔭᑦ
ᓯᕗᒃᑲᖅᑕᕐᓂᖅ ᐊᒪᕈᖅᑎᑐᑦ
$100,000 – $1 ᒥᓕᐊᓐ ᑮᓇᐅᔭᑦ
ᑕᐅᑐᑦᑎᐊᓲᑦ ᑐᓗᒐᖅᑎᑐᑦ
$100,000 ᑐᖔᓂ
ᐊᑦᑐᐃᓂᖃᖅᑎᑦᑎᓂᕗᑦ
ᐃᓕᑕᖅᓯᓂᑉ ᐱᓕᕆᐊᖏᑦ ᐃᑲᔪᖅᑐᐃᔪᑦ ᐃᓄᖕᓂᒃ ᖃᓄᐃᓕᐅᕈᑎᖃᓪᓚᑦᑖᖅᑐᓂᑦ, ᐱᕕᖃᖅᑎᑦᑎᓲᓂᑦ ᐊᒻᒪᓗ ᐃᓚᐅᖃᑕᐅᑎᑦᑎᓲᖑᓪᓗᑎᑦ ᓇᓕᒧᓐᓂᖃᓕᖅᑎᑦᑎᔪᑦ ᐊᔪᙱᓐᓂᕆᔭᐅᔪᓂᑦ ᐊᒻᒪᓗ ᐱᓕᕆᔪᓐᓇᒻᒪᕆᓐᓂᖏᖕᓂᑦ ᐃᓕᓐᓂᐊᖅᑎᖁᑎᑦᑕ ᐊᒻᒪᓗ ᐃᓕᓴᐃᔨᑦᑕ. ᑎᓴᒪᑦ ᓴᖅᑭᕈᑎᒋᔭᐅᓪᓗᐊᖏᓐᓇᓲᑦ ᐱᓕᕆᐊᖅᑎᒍᑦ ᐃᓕᓐᓂᐊᕋᒃᓴᑎᒍᓪᓗ ᐊᒻᒪᓗ ᐃᓕᓐᓂᐊᖅᑐᓂᑦ:
ᐃᓕᑉᐸᓪᓕᐊᖏᓐᓇᕐᓂᖅ
ᐃᓚᐅᖃᑕᐅᓗᑎᑦ ᐃᓅᓯᓕᒫᕐᒧᑦ ᐃᓕᓐᓂᐊᖏᓐᓇᖅᑎᑦᑎᓪᓗᑎᑦ
ᐱᔪᓐᓇᐅᑎᑖᖅᐹᓪᓕᖅᓯᒪᓕᖅᑐᑦ
ᓇᓗᖅᑯᑎᒍᓐᓃᖅᑎᑦᑎᓂᖃᖅᑐᑦ ᐊᔪᕈᓐᓃᖅᓴᓂᕐᒧᑦ
ᐱᓕᒻᒪᒃᓴᕐᓂᖅ
ᐊᔪᙱᓐᓂᕆᔭᐅᔪᑦ ᐃᓕᑕᐅᑎᓐᓇᓱᐊᖅᑐᒋᑦ ᐆᑦᑐᕋᖃᑦᑕᕐᓂᒃᑯᑦ
ᐃᓅᖃᑎᒌᑦᓯᐊᕐᓂᖅ
ᐃᓅᖃᑎᒌᑦᑎᐊᕐᓂᖅ
ᐊᒃᑐᖅᑕᐅᓯᒪᔪᑦ ᓇᐃᓴᐅᑎᑎᒍᑦ
1,000+
ᐃᓚᐅᖃᑕᐅᔪᑦ ᐃᓚᐅᖃᑕᐅᓂᑯᑦ ᐃᓐᓇᕐᓄᑦ ᐱᓕᕆᐊᒃᓴᕆᔭᑦᑎᓐᓂᒃ
95%
ᐱᐊᓂᒃᓯᒪᔪᑦ ᐃᓕᑕᖅᓯᓂᐅᑉ ᐱᓕᕆᐊᒃᓴᖏᓐᓂᑦ
90%+
ᐅᐸᖃᑦᑕᖅᓯᒪᑎᒋᓂᖏᑦ ᐃᓚᐅᖃᑕᐅᔪᑦ ᐃᓕᑕᖅᓯᓂᐅᑉ ᐱᓕᕆᐊᒃᓴᖏᓐᓄᑦ
85%
ᐃᓚᐅᖃᑕᐅᔪᑦ ᐃᖅᑲᓇᐃᔮᖅᑖᖅᑐᑦ ᐅᕝᕙᓘᓐᓃᑦ ᖁᑦᑎᖕᓂᖅᓴᒥᒃ ᐃᓕᓐᓂᐊᓕᖅᑐᑦ/ᐱᓕᒻᒪᒃᓴᓕᖅᑐᑦ
1,200+
ᐊᒥᓱᐃᖅᓱᖅᑎᒋᓂᖏᑦ ᓄᑕᖅᑯᑦ ᐊᒻᒪᓗ ᐊᖓᔪᖅᑳᖏᑦ/ᐸᖅᑭᔨᖏᑦ ᐊᑐᓚᖅᑐᑦ ᐱᙳᐊᖅᑕ ᐊᖓᔪᖅᑳᓄᑦ ᕿᑐᕐᖓᖏᓐᓄᓪᓗ ᐱᓕᕆᐊᒃᓴᕐᖓᐅᑎᒋᔭᐅᔪᒥᒃ ᑲᖏᖅᖠᓂᕐᒥ
+
ᐊᒥᓱᑦ ᐃᓚᐅᖃᑕᐅᔪᑦ ᐃᑲᔫᓯᐊᖅᑖᖃᑦᑕᕈᓐᓃᕈᓐᓇᓚᐅᖅᓯᒪᔪᑦ ᑕᖅᑭᑦ ᐱᖓᓲᔪᖅᑐᑦ ᐃᓗᐊᓂ ᐱᐊᓂᓚᐅᖅᑎᓪᓗᒋᑦ ᐃᓕᑕᖅᓯᓂᐅᑉ ᐱᓕᕆᐊᒃᓴᖏᓐᓂᒃ
ᐃᓕᑕᖅᓯᔾᔪᑕᐅᔪᑦ ᓵᓚᒃᓴᐅᓯᐊᑦ
ᐃᖅᑲᓇᐃᔮᕆᓯᒪᔭᕗᑦ ᐃᓕᓴᕆᔭᐅᓯᒪᔪᖅ ᑲᓇᑕᒥ ᐃᓕᓴᖅᓯᔾᔪᑎᑖᕈᑕᐅᓪᓗᑎᒃ ᓵᓚᒃᓴᐅᓯᐊᕐᓂᒃ ᓲᕐᓗ ᐅᑭᐅᖅᑕᖅᑐᒥ ᐊᔾᔪᒥᓇᖅᑐᓄᑦ ᓵᓚᖃᐅᓯᐊᖅᑎᑦᑎᕙᒃᑐᑦ (2012 ᐊᒻᒪᓗ 2022) ᐊᒻᒪᓗ ᑲᓇᑕᒥ ᐃᓅᓯᕐᒥ ᐅᖃᓕᒫᖃᑦᑕᕐᒧᑦ ᑎᑎᕋᖃᑦᑕᕐᓂᕐᒧᓪᓗ ᓵᓚᒃᓴᐅᓯᐊᖅ ᐃᓐᓇᕐᓄᑦ ᐱᓕᕆᐊᒃᓴᓕᐅᖅᑭᖕᓂᕐᒧᑦ (ABC ᐅᖃᓕᒫᕐᓂᕐᒧᑦ ᐃᓅᓯᓕᒫᖅ ᑲᓇᑕ ᐱᔾᔪᓯᐊᖅ ᖃᓄᖅᑑᕈᑎᖃᕐᓂᖏᖕᓄᑦ ᐃᓐᓇᐃᑦ ᐅᖃᓕᒫᕆᐅᖅᓴᓂᕐᒧᑦ ᐱᓕᕆᐊᖃᖅᑐᑦ) (2015), ᐊᒻᒪᓗ ᓄᓇᕐᔪᐊᕐᒥ ᐃᓕᓴᖅᓯᔾᔪᑕᐅᔪᓂᒃ ᓵᓚᒃᓴᐅᓯᐊᕐᓂᒃ ᓲᕐᓗ ᐃᐱ−ᐊᓴᕼᐃ ᐅᖃᓕᒫᕐᓂᕐᒥᒃ ᖁᕝᕙᓯᒋᐊᖅᑎᑦᑎᓂᕐᒧᑦ ᐱᓕᕆᐊᒃᓴᒧᑦ ᓵᓚᒃᓴᐅᓯᐊᖅ (IBBY-ᐊᓴᕼᐃ ᐅᖃᓕᒫᖅᑎᑦᑎᒋᐊᕐᓂᕐᒧᑦ ᐱᓕᕆᐊᖅ ᐱᔾᔪᓯᐊᖅ) (2022).
ᐱᓕᕆᐊᒃᓴᑦᑎᓐᓂᒃ ᖃᐅᔨᓴᕐᓂᖅ
ᐊᕐᕌᒍᑦ ᑕᓪᓕᒪᑦ ᐅᖓᑖᓄᑦ, ᐃᓕᑕᖅᓯᓂᖅ ᖃᐅᔨᓴᖃᑦᑕᐃᓐᓇᖅᓯᒪᔪᖅ ᓯᓚᑖᒍᑦ ᐱᓕᕆᐊᒃᓴᕐᒥᓂᒃ. ᑕᐃᒪᐅᑎᓪᓗᒍ, ᓴᖅᑭᑦᑎᔪᓐᓇᖅᓯᒪᔪᒍᑦ ᑕᐃᒫᑦᑕᐃᓐᓈᖅᑐᓂᒃ, ᑲᔪᓯᑦᑎᐊᕐᓂᑰᔪᓂᒃ ᓴᖅᑭᓂᑯᓂᒃ ᐱᓕᕆᖃᑎᒋᔭᑦᑎᓐᓄᑦ. ᐱᒻᒪᕆᐅᑎᒋᓪᓗᓂ, ᐃᓕᑦᑐᓐᓇᕐᓂᑰᔪᒍᑦ ᖃᐅᔨᓴᖅᑕᐅᓯᒪᔪᓂᑦ ᑕᒪᒃᑯᐊᓗ ᐱᐅᓯᕚᓪᓕᕈᑎᒋᕙᒃᖢᑎᒃᑯᑦ ᓯᕗᓂᒃᓴᒥ ᐱᓕᕆᐊᒃᓴᑦᑎᓐᓄᑦ. ᓈᒻᒪᒃᓴᕐᓂᕆᔭᖅᐳᓪᓗ ᖃᐅᔨᓴᕐᓂᕐᒧᑦ ᑐᙵᕕᐅᔪᒥᒃ ᐱᒻᒪᕆᐅᓚᐅᕐᒥᔪᖅ ᖃᐅᔨᓴᕐᓂᕐᒧᑦ ᓴᓇᓂᕐᒧᓪᓗ ᐃᓄᐃᑦ ᖃᐅᔨᓴᕈᑎᖓᓂᒃ.
ᐱᒋᐊᕐᓂᑰᓪᓗᓂ 2010-ᒥ, ᐊᖏᔪᒥᒃ ᐱᒋᐊᖅᑎᑦᑎᓚᐅᖅᐳᒍᑦ, ᓯᕕᑐᔪᒥᒃ ᖃᐅᔨᓴᕐᓂᕐᒥᒃ ᐱᓕᕆᐊᒃᓴᑦᑎᓐᓂᒃ ᒥᖅᑯᑦ ᐱᓕᕆᐊᒃᓴᖅ, ᐊᐅᓚᑕᐅᓪᓗᓂ ᐃᓕᓴᐃᔨᒧᑦ ᐃᒃᓯᕙᐅᑕᕆᔭᐅᔪᒧᓪᓗ ᖃᓄᐃᓕᐅᖅᐸᓪᓕᐊᒍᓯᕕᓂᕐᓂᒃ ᖃᐅᔨᓴᕐᓂᕐᒥᒃ ᐅᐃᓂᐸᐃᒡ ᓯᓚᑦᑐᖅᓴᕐᕕᖓᓂ, ᓴᓕ ᑐᓚᒃ. ᑖᓐᓇ ᐱᔾᔪᑎᖃᓚᐅᖅᑐᖅ ᓇᓗᓇᐃᔭᖅᑕᐅᓂᖏᓐᓂᒃ ᐃᓕᑕᖅᓯᓂᐅᑉ ᐆᒃᑑᑎᖓ ᐃᓕᓐᓂᐊᕐᓂᕐᒥᒃ ᐃᓕᓴᕆᔭᐅᙱᒃᑐᒃᑯᑦ − ᓱᖁᑕᐅᓇᑎᒃ ᐃᓕᖅᑯᓯᓕᕆᓂᕐᒨᖓᔪᑦ ᐃᓕᓗᖏᑦ.
“ᐃᓚᐅᖃᑕᐅᔪᓄᑦ ᑐᙵᕕᖃᑦᑎᐊᖅᑐᓂᒃ, ᑕᐃᒫᑦᑎᐊᖑᐃᓐᓇᖅᑐᓂᒃ ᐊᒻᒪᓗ ᐊᑯᓂᐅᔪᒧᑦ ᓴᖅᑭᔮᕐᓂᐊᖅᑐᓂᒃ”
ᐱᓕᕆᐊᒃᓴᖅ ᓴᖅᑭᑦᑎᔪᓐᓇᓚᐅᖅᑐᖅ ᐃᓚᐅᖃᑕᐅᔪᓄᑦ ᑐᙵᕕᖃᑦᑎᐊᖅᑐᓂᒃ, ᑕᐃᒫᑦᑎᐊᖑᐃᓐᓇᖅᑐᓂᒃ ᐊᒻᒪᓗ ᐊᑯᓂᐅᔪᒧᑦ ᓴᖅᑭᔮᕐᓂᐊᖅᑐᓂᒃ, ᓲᕐᓗ ᐅᑯᓂᖓ:
- ᐊᑐᖅᑎᒋᓂᖓ ᐱᐅᓯᕚᓪᓕᖅᑎᑦᑎᓂᕐᒥᒃ ᐅᖃᒫᕈᓐᓇᕐᓂᕐᒥᒃ ᑎᑎᕋᕈᓐᓇᕐᓂᕐᒥᒡᓗ ᐊᒻᒪᓗ ᐃᓐᓇᐃᑦ ᐃᓕᓐᓂᐊᖅᑐᑦ ᐱᔪᓐᓇᕆᐊᖃᕐᓂᕆᔭᖏᓐᓂᒃ.
- ᐃᓚᐅᖃᑕᐅᔪᑦ ᐊᔪᙱᓐᓂᖅᓴᐅᓕᕐᓂᕋᓚᐅᖅᑐᑦ ᐃᓄᒃᑎᑐᑦ ᐊᒻᒪᓗ ᖃᓪᓗᓈᑎᑐᑦ.
- ᑲᑎᙵᐅᖅᑐᑦ ᐱᓕᕆᖃᑎᒌᖕᓂᖏᑦ ᐊᒻᒪᓗ ᐊᑕᐅᓯᐅᙱᑦᑐᒧᑦ ᓴᖅᑭᑦᑐᑦ ᐃᓕᖅᑯᓯᕐᒥ ᐱᔪᓐᓇᕐᓂᐅᔪᓂ, ᐅᖃᒫᕈᓐᓇᕐᓂᖅ ᑎᑎᕋᕈᓐᓇᕐᓂᕐᓗ ᐊᒻᒪᓗ ᐱᑕᖃᕆᐊᖃᖅᑐᑦ ᐱᔪᓐᓇᕐᓃᑦ, ᖃᓄᐃᙱᑦᑎᐊᕐᓂᕐᓗ, ᖁᕝᕙᓯᒋᐊᖅᑎᑦᑎᓪᓗᑎᒃ ᐃᓕᑕᖅᓯᓂᒃᑯᑦ ᐱᓕᕆᐊᒃᓴᖏᑦ ᐊᒃᑐᖅᓯᓂᖏᓐᓂᒃ.
- ᐱᔾᔪᑎᒋᓪᓗᒍ ᐃᓕᖅᑯᓯᕐᒥ ᐱᔪᓐᓇᕐᓂᕆᔭᑦ, ᐃᓚᐅᖃᑕᐅᓚᐅᖅᑐᑦ ᐃᓕᑦᑕᕆᐅᓚᐅᖅᑐᑦ ᐅᕝᕙᓘᓐᓃᑦ ᐃᓕᑉᐹᓪᓕᒃᑲᓐᓂᓚᐅᖅᑐᑦ ᐃᓕᖅᑯᓯᑐᖃᕐᓅᖓᔪᓂᒃ – ᑕᑯᒥᓇᖅᑐᓕᐅᕐᓂᖅ ᐊᒻᒪᓗ ᐊᓐᓄᕌᓕᐅᕐᓂᖅ. ᐃᓕᓐᓂᐊᕈᓯᑐᖃᐃᑦ ᐱᒻᒪᕆᐅᓛᖑᓚᐅᖅᑐᑦ ᐃᓚᐅᖃᑕᐅᔪᓄᑦ ᑕᒪᒃᑯᓂᖓ ᐊᑐᕈᓐᓇᓚᐅᙱᑦᑐᓄᑦ ᐃᓕᓐᓂᐊᕆᐊᖅᑎᑕᐅᓚᐅᕐᓂᕐᒥᓄᑦ ᐅᕝᕙᓘᓐᓃᑦ ᐊᓈᓇᐃᕐᓂᑰᓂᕐᒥᓄᑦ ᐊᑖᑕᐃᕐᓂᑰᓂᕐᒥᓄᓪᓘᓐᓃᑦ.
- ᓴᙱᒃᑎᒋᐊᖅᑎᑦᑎᓂᖅ ᐃᓚᐅᖃᑕᐅᔪᑦ ᐱᔪᓐᓇᕋᓱᒋᓂᕐᒥᓂᒃ ᐊᒻᒪᓗ ᐱᑕᖃᕆᐊᓕᖕᓂᑦ ᐱᔪᓐᓇᕐᓂᕐᒥᓂᒃ ᐃᑲᔪᖅᓱᐸᒃᖢᓂᓗ ᐊᓯᒃᑲᓐᓂᖔᖓᓂᒃ ᐱᓕᒻᒪᒃᓴᓕᕐᓂᕐᒥᓄᑦ ᐃᓕᓴᕆᔭᐅᔪᒃᑯᓪᓗ ᐃᓕᓐᓂᕐᓂᕐᒧᑦ ᐱᕕᒃᓴᐅᔪᓄᓪᓗ ᐅᕝᕙᓘᓐᓃᑦ ᐃᖅᑲᓇᐃᔭᓕᕐᓂᕐᒧᑦ.
- ᐱᐅᓂᖅᓴᐅᓕᓚᐅᖅᑐᑦ ᐃᓗᓯᖏᑦ, ᖃᓄᐃᙱᑦᑎᐊᕐᓂᖏᑦ ᐊᒻᒪᓗ ᐱᔪᓐᓇᕋᓱᒋᓂᖏᑦ.
- ᐃᓚᐅᖃᑕᐅᓂᖅᓴᐅᓕᕐᓂᖅ ᐊᒻᒪᓗ ᐃᓅᓯᖃᑦᑎᐊᕐᓂᒃᑯᑦ ᐃᓚᐅᖃᑕᐅᓂᖅ ᐃᓚᒌᖕᓂᕐᒥ ᓄᓇᖅᑲᑎᒌᖕᓂᕐᒥᓗ.
ᐃᓚᒋᔭᐅᖃᑕᐅᒋᑦ ᐱᒻᒪᕆᒋᔭᑦᑎᓐᓄᑦ
ᐃᑲᔪᕈᓐᓇᓯᕕᑦ ᐃᓕᑕᖅᓯᓂᒃᑯᓐᓂᒃ ᑲᔪᓯᑎᑕᐅᓂᖓᓄᑦ ᓯᕕᑐᔪᒥᒃ ᐊᒃᑐᐃᓂᖃᑦᑎᐊᕐᓂᕐᒥᒃ ᓄᓇᓕᓂᒃ ᓄᓇᕗᒻᒥ ᐃᓄᖕᓄᑦ ᐱᓕᕆᐊᒃᓴᖏᑎᒍᑦ ᖃᐅᔨᓴᕐᓂᒃᑯᓪᓗ? ᑎᑎᕋᕐᕕᒋᑎᒍᑦ ᑮᓇᐅᔭᖃᖅᑎᑦᑎᓂᐅᑉ ᐃᓚᐅᖃᑕᐅᓂᐅᓪᓗ ᒥᒃᓵᓄᑦ ᐅᕗᖓ info@ilitaqsiniq.ca.