ᐃᓄᐃᑦ ᖃᓄᐃᑦᑕᐃᓕᒪᓂᕐᒧᑦ ᑲᑎᒪᕕᔾᔪᐊᖅᑎᑕᐅᓂᖏᖕᓄᑦ ᐃᓚᐅᖃᑕᐅᒋᑦ

ᐅᖃᓗᒃᕕᒋᓗᒍ ᐅᐸᒃᑕᐅᖅᑳᖅᐸᒃᑐᑦ ᓄᓇᓕᖕᓂ ᐃᖅᑲᓇᐃᔭᖅᑎᓄᑦ! ᐃᓕᑕᖅᓯᓂᖅ ᑲᑎᒪᑎᑦᑎᓛᖅᑐᑦ ᖃᔅᓯᑲᓪᓚᖕᓂᒃ ᐃᓄᐃᑦ ᖃᓄᐃᙱᑦᑎᐊᖅᑐᓕᕆᓂᕐᒧᑦ ᑲᑎᒪᕐᔪᐊᖅᑐᓂᒃ ᐅᑐᐱᕆᒥ ᐊᒻᒪ ᓄᕕᐱᕆᒥ ᑲᑎᖅᓱᐃᓗᑎᒃ ᑐᑭᓯᒋᐊᒐᒃᓴᓂᒃ ᖃᐅᔨᓴᕐᓗᒋᓪᓗ ᐱᔭᐅᒋᐊᓕᑦ ᓄᓇᓕᖕᓂ ᐃᖅᑲᓇᐃᔭᖅᑎᓄᑦ ᐃᓄᐃᑦ ᓄᓇᖓᓐᓂ.

ᐊᑕᐅᑦᑎᒃᑯᑦ, ᕿᒥᕐᕈᓂᐊᖅᑐᒍᑦ:

  • ᓄᓇᓕᖕᓂ ᐃᖅᑲᓇᐃᔭᖅᑎ ᐊᓂᒍᐃᑦᑎᐊᕈᓐᓇᕐᓂᖅ,
  • ᐃᓅᑦᑎᐊᕐᓂᖅ ᐊᒻᒪ ᐃᑲᔪᖅᓱᐃᓂᖅ, ᐊᒻᒪ
  • ᐅᖃᖃᑎᒌᖕᓂᕐᒧᑦ ᐱᔾᔪᑕᐅᔪᑦ ᓲᕐᓗ ᓇᖕᒥᓂᖅ ᖁᓱᔪᓐᓃᕐᓂᖅ, ᕿᓄᐃᓵᕈᓐᓇᕐᓂᖅ, ᓇᖕᒥᓂᖅ ᑲᒪᒋᑦᑎᐊᕐᓂᖅ ᐊᒻᒪ ᑭᒡᓕᓕᐅᕆᓂᖅ.

ᑐᕌᒐᖃᓗᐊᕐᓂᐊᖅᑐᑦ ᖃᓄᖅ ᑕᒪᒃᑯᐊ ᐊᑐᖅᑕᐅᕙᒻᒪᖔᑕ ᐊᒻᒪᓗ ᖃᓄᖅ ᐃᓄᐃᑦ ᐃᓕᓴᐃᓯᒪᒻᒪᖔᑕ ᐊᒻᒪᓗ ᐃᓕᑉᐸᓪᓕᐊᓯᒪᒻᒪᖔᑕ ᑕᒪᒃᑯᓂᖓ ᑕᐅᑐᒐᐅᔪᓂᒃ. ᑐᓴᕈᒪᖕᒥᔪᒍᑦ ᐃᓚᐅᖃᑕᐅᔪᑦ ᓂᕆᐅᒋᔭᖏᓐᓂᒃ ᐱᔪᒪᔭᖏᓐᓂᒃᓗ ᓄᓇᓕᖏᓐᓄᑦ.

“ᐱᓕᒻᒪᒃᓴᕐᓂᖅ ᐱᓕᕆᐊᖅ ᓇᓗᓇᐃᖅᓯᔪᒪᕗᖅ ᖃᓄᖅ ᐅᕙᒍᑦ, ᐃᖅᑲᓇᐃᔭᖅᑎᐅᓪᓗᑕ, ᐅᕙᑦᑎᓐᓂᒃ ᐃᑲᔪᖅᑐᐃᑦᑎᐊᕈᓐᓇᓛᖑᕗᒍᑦ ᐃᓄᖁᑎᑦᑎᓐᓂᒃ ᐃᑲᔪᖅᑐᐃᑦᑎᐊᕐᓂᖅᓴᐅᔪᓐᓇᕐᓂᐊᕋᑦᑕ,” ᐅᖃᖅᑐᖅ ᐃᓕᑕᖅᓯᓂᖅ ᐸᓂᑯᓗᒃ ᑯᓱᒐᖅ.

ᑲᑎᒪᓂᐅᑉ ᐅᓪᓗᖏᑦ ᓇᒦᓐᓂᖏᓪᓗ:

  • ᑲᖏᖅᖠᓂᖅ, ᐊᒃᑑᕝᕙ 17-19
  • ᐃᖃᓗᒃᑑᑦᑎᐊᖅ, ᓄᕖᕝᕙ 14-16
  • ᐃᖃᓗᐃᑦ, ᓄᕖᕝᕙ 27-29

ᐃᓂᒃᓴᐃᑦ ᐃᓱᓕᑦᑕᕐᕕᖃᖅᐳᑦ 25−ᓄᑦ ᐃᓚᐅᔪᓄᑦ ᑕᒪᐃᓐᓄᑦ ᑲᑎᒪᕐᔪᐊᕐᓂᕆᔭᐅᔪᒧᑦ. ᐃᓚᐅᖃᑕᐅᔪᒪᒍᕕᑦ ᐃᓕᑕᖅᓯᓂᖅ ᓄᓇᓕᖕᓂ ᐱᔭᐅᔭᕆᐊᓕᖕᓄᑦ ᖃᐅᔨᓴᕐᓂᕐᒥᒃ ᓄᓇᓕᖕᓂ ᐱᓕᕆᖅᑳᖅᐸᒃᑐᓄᑦ ᑲᒪᒋᔭᖃᖅᑎᓪᓗᒋᑦ ᐃᓄᐃᑦ ᖃᓄᐃᙱᑦᑎᐊᕐᓂᖏᓐᓂᒃ, ᐃᕐᖐᓐᓈᖅᑕᐅᒃᑯᑦ ᑎᑎᕋᕆᑦ ᐅᕗᖓ kellylindell@ilitaqsiniq.ca.

ᐃᓕᑕᖅᓯᓂᖅ ᑕᒧᓗᒐᒃᓴᖃᖅᑎᑕᐅᓂᐊᖅᑐᖅ ᑕᒧᓗᒐᒃᓴᓂᓪᓗ. ᐅᒡᒍᕐᓇᖅᑑᖅ, ᐊᑭᓖᔪᓐᓇᙱᓐᓇᑦᑕ ᐃᓚᐅᔪᑦ ᖃᖓᑦᑕᐅᑎᖏᓐᓄᑦ ᑐᔪᕐᒥᔾᔪᑎᖏᓐᓄᓪᓘᓐᓃᑦ.

ᓈᓚᒋᐊᕆᑦ ᑐᓴᖅᑎᑦᑎᓂᐊᖅᑎᓪᓗᓯ ᑲᑎᒪᓂᐅᓛᖅᑐᒥᑦ ᐃᓅᕕᖕᒥᑦ, ᑰᔾᔪᐊᖅ ᐊᒻᒪ ᕼᐆᑉᑕᐃᔪᓪ 2024 ᐱᒋᐊᖕᓂᖓᓂᑦ.

ᐱᓕᕆᐊᖑᓯᒪᔪᑦ ᐱᓕᒻᒪᒃᓴᕐᓂᖅ ᐱᓕᕆᐊᖅ

2022-ᒥ, ᐃᓕᑕᖅᓯᓂᖅ ᓯᕗᓪᓕᖅᐹᒥᒃ ᖃᐅᔨᓴᓚᐅᖅᐳᑦ “ᐱᓕᒻᒪᒃᓴᐃᔨᒥᒃ ᐃᓕᓐᓂᐊᖅᑎᑦᑎᓪᓗᑎᒃ” ᐃᓕᓐᓂᐊᖅᓯᓐᓈᑦ ᑲᑎᒪᓯᓐᓈᑦ ᑕᐃᔭᐅᓪᓗᓂ “ᐱᕙᓪᓕᐊᑎᑦᑎᓂᖅ ᓄᓇᓕᖕᓂ ᓯᕗᓕᖅᑎᓂᒃ ᐃᓕᓐᓂᐊᖅᑕᐅᒐᔪᙱᑦᑐᓂᒃ ᐱᓕᕆᐊᒃᓴᓂᒃ.” ᑐᙵᕕᖃᖅᖢᓂ ᐊᑕᖐᔪᒥᒃ, ᐃᓚᓕᐅᔾᔭᐅᓯᒪᔪᒥᒃ ᐊᑐᖅᑕᐅᓇᔭᖅᑐᒥᒃ ᐱᒋᐊᖅᑎᑕᐅᓪᓗᓂ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ, ᑖᓐᓇ ᐱᓕᕆᖃᑎᒌᖕᓂᖅ ᐱᑎᑦᑎᓚᐅᖅᐳᖅ ᐱᓕᕆᐊᖃᖅᑳᖅᐸᒃᑐᓂᒃ ᓄᓇᓕᖕᓂ ᐃᖅᑲᓇᐃᔭᖅᑎᒋᔭᐅᔪᓂᒃ ᐃᑲᔪᖅᑐᖅᑕᐅᓪᓗᑎᒃ ᐃᓚᐅᔭᕆᐊᖃᖅᑕᒥᓂᒃ ᐅᑯᓇᓂ:

  • ᐱᓕᕆᐊᒃᓴᓂᒃ ᐱᕙᓪᓕᐊᑎᑦᑎᓂᖅ ᖁᐋᖅᓵᖅᓯᒪᔪᑦ ᑐᓴᐅᒪᑎᓐᓂᐊᕐᓗᒋᑦ ᑕᐅᑐᖅᑰᖅᑕᐅᔪᑦ.
  • ᐃᓕᓗᒋᑦ ᐅᖃᓕᒫᕈᓐᓇᕐᓂᖅ/ᑎᑎᕋᕈᓐᓇᕐᓂᖅ ᐊᒻᒪᓗ ᐅᖃᐅᓯᕐᒧᑦ ᐊᔪᕈᖕᓇᕐᓂᕐᒧᑦ ᑐᙵᕕᐅᔪᖅ ᐃᓕᑕᖅᓯᓂᒃᑯᑦ ᐃᓕᖅᑯᓯᓕᕆᓂᕐᒨᖓᙱᑦᑐᓄᑦ ᑐᕌᖓᔪᖏᓐᓄᑦ.
  • ᑐᑭᓯᐅᒪᓂᖅᓴᐅᓗᓂ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐅᓪᓗᒥᓕᓴᕐᓂᒃ.
  • ᐃᓕᑕᖅᓯᓂᖅ ᐱᐅᓯᖓ ᐱᓕᕆᐊᓂᒃ ᐊᐅᓚᑦᑎᓂᕐᒧᑦ ᐊᔪᙱᑕᖓ.

ᐃᓄᐃᑦ ᖃᓄᐃᙱᑦᑎᐊᕐᓂᕐᒧᑦ ᑲᑎᒪᓂᖏᑦ ᐃᑲᔪᖅᑐᐃᓂᐊᖅᐳᑦ ᐱᕙᓪᓕᐊᑎᑕᐅᓂᖓᓂᒃ ᐊᖏᒡᓕᒋᐊᖅᑎᑦᑎᓂᕐᒥᒃ ᐆᒃᑑᒪᔭᒍᑕᐅᔪᒧᑦ ᐱᓕᕆᐊᖑᔪᒧᑦ ᑐᙵᕕᖃᖅᑎᑕᐅᓗᓂ ᐃᓕᓯᒪᔭᑦᑎᓐᓂᒃ ᐃᓄᐃᑦ ᖃᓄᐃᙱᑦᑎᐊᕈᓐᓇᕐᓂᖏᓐᓄᑦ ᐃᓕᓐᓂᐊᖅᑎᑦᑎᓂᕐᓂᒃ ᖄᒃᑲᓐᓂᐊᒍᑦ ᐱᓕᕆᐊᖃᖅᑳᖅᐸᒃᑐᓂᒃ ᐊᓂᒍᐃᔪᓐᓇᕐᓂᕐᒥᒃ. ᐊᑕᖏᕐᓗᒍ ᐱᓕᕆᐊᖅ ᐃᓚᖃᕐᓂᐊᕐᒥᔪᖅ ᖃᐅᔨᓴᕐᓂᕐᒥᒃ, ᐃᓐᓇᕐᓂᒃ ᐊᒻᒪ ᖃᐅᔨᒪᔭᐅᔪᓂᒃ ᑲᑎᒪᑎᑦᑎᔪᓂᒃ, ᐊᒻᒪ ᓄᑖᓂᒃ, ᐱᕚᓪᓕᖅᓯᒪᔪᓂᒃ ᐃᓕᓐᓂᐊᖅᓯᓐᓈᑦ ᑲᑎᒪᓯᓐᓈᖅᑎᑦᑎᕙᒡᓗᑎᒃ ᐅᖃᐅᓯᐅᓛᕐᓗᑎᒃ.

ᑖᓐᓇ ᐱᓕᕆᐊᖅ ᐊᔪᕐᓇᙱᑎᑕᐅᕗᖅ ᖁᔭᓕᓪᓗᒋᑦ ᑮᓇᐅᔭᖃᖅᑎᑦᑎᔨᕗᑦ ᐅᑭᐅᖅᑕᖅᑐᒥ ᑲᔪᖏᖅᓴᐃᓂᕐᒧᑦ ᓵᓚᒃᓴᐅᓯᐊᖅ, ᓄᓇᕗᑦ ᑐᙵᕕᒃᑯᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ − ᐃᓅᓯᕗᑦ, ᐊᒡᓃᑰ ᐄᒍᓪ ᐊᒻᒪᓗ ᐊᖅᑯᓯᐅᕐᓂᖅ. ᖁᔭᓐᓇᒦᒃ!