ᓴᓪᑎᐱᐊᒡ − ᐱᕈᖅᓴᐃᓂᖅ ᓇᒻᒥᓂᖁᑎᖏᔭᐅᔪᓂᑦ ᓄᓇᑦᑎᓐᓂᓗ

ᒫᓐᓇᕋᑖᖅ, 7-ᖑᔪᑦ ᐱᓕᕆᔪᒪᔪᑦ ᐃᓄᐃᑦ ᐃᓚᐅᓚᐅᖅᑐᑦ ᐊᑕᖐᔪᒥᒃ ᐃᓕᑕᖅᓯᓂᒃᑯᑦ ᐱᓕᕆᐊᒥᒃ ᑕᐃᔭᐅᔪᖅ ᓴᖅᑮᓂᖅ ᐃᓅᓯᓕᕆᓂᕐᒥᒃ, ᓴᓇᓯᒪᔪᖅ ᓴᖅᑮᓂᕐᒥᒃ ᐱᒻᒪᕆᐅᔪᓂᒃ ᓇᒻᒥᓂᖃᕐᓂᕐᒥᒃ ᐊᒻᒪᓗ ᑲᔪᓯᑎᑦᑎᓗᑎᒃ ᒪᑭᒪᐅᑎᖃᕐᓂᕐᒥᒃ. ᐱᓇᓱᐊᕈᓯᑦ ᑎᓴᒪᑦ ᐅᖓᑖᓄᑦ, ᑖᒃᑯᐊ ᐃᓚᐅᔪᑦ ᐃᓕᑦᑎᓚᐅᖅᐳᑦ ᐱᓕᕆᓪᓚᑦᑖᕐᓂᕐᒥᒃ ᓇᖕᒥᓂᖃᕐᓂᕐᒥᒃ ᐃᓚᒋᔭᐅᓪᓚᕆᒃᖢᑎᒃ ᐃᓅᖃᑎᒌᓂ ᐃᓂᒋᔭᐅᕙᒃᑐᒥ ᓴᓪᑕᐱᐊᕐᒥ. ᐋᖅᑭᒃᓯᓚᐅᖅᑐᑦ, ᓴᖅᑭᑦᑎᓪᓗᑎᒃ, ᓂᐅᕕᐊᒃᓴᖃᖅᖢᑎᒃ ᓂᐅᕐᕈᑎᖃᖅᖢᑎᒡᓗ ᓄᓇᓕᖕᓂᙶᖅᑐᓂᒃ ᑕᕆᐅᖅ ᑕᕆᐅᖅ−ᐱᓕᕆᖃᑎᒌᒃᖢᑎᒃ ᐱᓇᔪᒃᑕᖏᓐᓂᒃ.

ᓴᓪᑕᐱᐊᖅ [SALT-APIAQ] ᐊᑎᕐᒥᓂᒃ ᐱᖃᑦᑕᖅᑐᖅ ᐃᓄᒃᑎᑐᑦ ᑕᐃᒎᓯᕐᒥᑦ saattupiaq-ᒥᑦ, ᑐᑭᖃᖅᖢᓂ “ᐅᔭᕋᒃ ᖃᐃᕋᔮᖅᑐᖅ ᐃᒫᓂ.” ᐅᐱᒍᓱᒃᖢᑎᒃ ᐃᓄᖕᓄᑦ ᓇᖕᒥᓂᕆᔭᑦ ᑲᖏᖅᖠᓂᕐᒦᑉᐳᑦ, ᓄᓇᕗᒻᒥ, ᑕᕆᐅᖅ ᑕᕆᐅᖅ ᐱᔭᐅᓲᖑᖕᒪᑦ ᐃᒪᕕᖕᒥᙶᖅᑐᓂ ᐹᕐᖑᕆᐊᓕᒻᒥ ᖃᓂᒋᔮᓂ. ᐅᑎᖅᑎᑦᑎᓂᐊᕐᓂᕋᓚᐅᖅᑐᑦ ᓄᓇᓕᖕᓄᑦ ᐱᕈᖅᑎᒃᑲᓐᓂᖅᖢᒋᑦ, ᓴᓪᑕᐱᐊᖅ ᐅᑎᖅᑎᑦᑎᕗᖅ ᐳᓴᓐᑎᖓᓂᒃ ᑮᓇᐅᔭᓕᐊᖏᓐᓂᒃ ᐃᓄᐃᑦ ᑲᑐᔾᔨᖃᑎᒌᓄᑦ, ᑕᐃᒪᓐᓇᓗ ᓴᖅᑭᑎᑦᑎᓪᓗᓂ ᓴᙱᓂᖃᕐᓂᕐᒥᒃ ᐊᒻᒪᓗ ᒪᑭᒪᐃᓐᓇᕐᓂᕐᒥᒃ.

ᓴᓪᑕᐱᐊᕐᒥᑦ ᐱᓕᕆᖃᑎᖃᖅᖢᑎᒃ, ᐃᓚᐅᔪᑦ ᖃᐅᔨᑎᑕᐅᓚᐅᖅᐳᑦ ᖃᓄᖅ ᐃᓚᐅᔪᓐᓇᕐᒪᖔᑦ ᓇᖕᒥᓂᖅ ᓇᖕᒥᓂᕆᔭᒥᓂᒃ ᐋᖅᑭᒃᓱᐃᑎᓪᓗᒋᑦ ᓇᖕᒥᓂᕆᔭᒥᓂᒃ, ᐊᕙᑎᒥᒃ ᑲᒪᔨᐅᓂᕐᒥᒃ ᓄᓇᓕᖕᒥᐅᓂᒡᓗ ᐃᑲᔪᖅᑐᖅᑕᐅᓂᕐᒥᒃ. ᐊᑕᐅᑦᑎᒃᑯᑦ, ᑕᐃᒫᒃ ᓴᙱᓂᕐᓴᒥᑦ, ᐆᒻᒪᕆᒃᑐᒥᑦ ᐃᓄᐃᑦ ᓇᖕᒥᓂᖁᑎᓖᑦ ᐊᕙᑎᖏᓐᓂᑦ.

ᑖᓐᓇ ᐱᓕᕆᐊᖅ ᐃᓚᒋᔭᐅᑐᐃᓐᓇᖅᐳᖅ ᐃᓕᑕᖅᓯᓂᒃᑯᑦ ᐊᒥᓱᓂᒃ ᐃᖅᑲᓇᐃᔭᕐᓂᕐᒧᑦ ᐅᐸᓗᖓᐃᖅᓯᒪᓂᖅ, ᐃᖅᑲᓇᐃᔭᕐᓂᖅ ᐊᒻᒪᓗ ᐱᕙᓪᓕᐊᔪᓕᕆᓂᑉ ᐱᓕᕆᐊᖏᖕᓂ. ᐱᑐᐃᓐᓇᕆᐊᖃᓕᕐᓂᕐᒥᒃ, ᐃᖅᑲᓇᐃᔭᕐᓂᕐᒧᑦ ᐊᒻᒪ ᐱᕙᓪᓕᐊᔪᓕᕆᓂᕐᒧᑦ ᐱᓕᕆᐊᒃᓴᓂᒃ. ᑖᒃᑯᐊ ᐱᓕᕆᐊᒃᓴᑦ ᐃᑲᔫᑕᐅᓲᖑᕗᑦ ᐃᓚᐅᔪᓄᑦ ᐊᔪᕈᓐᓃᖅᓴᕈᑕᐅᓪᓗᑎᒃ, ᐱᓕᕆᔾᔪᑎᒃᓴᑦ ᐊᒻᒪ ᐃᑲᔫᑎᒃᓴᑦ ᐱᔭᐅᒋᐊᓕᑦ ᐃᓚᐅᔾᔪᑎᒃᓴᑦ ᐃᖅᑲᓇᐃᔮᖃᕈᓐᓇᖅᑐᓂᒃ, ᐱᔪᓐᓇᕐᓂᖅᑖᖅᑎᓪᓗᒋᑦ ᐃᓄᐃᑦ ᓄᓇᕗᑦ ᐊᒻᒪl ᓄᓇᖅᑲᑎᕗᑦ ᐱᕈᖅᐸᓪᓕᐊᑎᓪᓗᒋᑦ.