ᒥᖅᓱᕐᓂᕐᒧᑦ ᐊᒻᒪᓗ ᐃᓕᖅᑯᓯᓕᕆᓂᕐᒧᑦ
ᐱᓕᕆᐊᒃᓴᑦ ᐱᕙᒌᔭᐃᓂᕐᒧᑦ, ᐋᖅᑭᒃᓯᒪᓂᒃᓴᖓᓄᑦ ᓴᓇᓂᕐᒧᓪᓗ ᐊᓐᓄᕌᓂᒃ ᐱᔭᕆᐊᓕᖕᓂᒃ ᖃᑕᙳᑎᒌᑦ ᓄᓇᓕᓪᓗ ᐊᑦᑕᕐᓇᙱᑦᑐᒦᖁᓪᓗᒋᑦ, ᐅᖅᑰᓗᑎᒃ ᐊᓐᓄᕌᑦᑎᐊᕙᐅᓗᑎᒃᓗ ᐊᕐᕌᒎᑉ ᐃᓗᐊᓂ, ᐃᓚᐅᖃᑕᐅᓗᑎᒃᓗ ᓴᓇᕈᓘᔭᕐᓂᕐᓂ ᐃᓱᒪᒃᓴᖅᓯᐅᑦᑎᐊᖅᓯᒪᔪᓂᒃᓗ ᐱᓇᓱᖕᓂᕐᓂ.
ᐊᑐᐃᓐᓇᐅᒪᑎᑦᑎᕙᑉᐳᒍᑦ ᖃᓄᐃᓕᐅᖁᔨᓂᕐᒥᒃ ᑕᒪᐃᖕᓂ ᐃᓕᖅᑯᓯᑐᖃᒃᑯᑦ ᐅᓪᓗᒥᓗ ᒥᖅᓱᕐᓂᕐᒧᑦ ᐊᔪᕈᓐᓃᖅᑕᐅᕙᒃᑐᓂᒃ, ᐊᑐᓕᒐᒃᓴᐅᔪᓂᒃ ᐃᓚᐅᔪᑦ ᐊᔾᔨᒌᙱᑦᑐᓄᑦ ᐊᔪᙱᓐᓂᕆᔭᖏᓐᓄᑦ. ᐃᓚᐅᖃᑕᐅᔪᑦ ᑕᐅᑐᓪᓗᐊᑕᕈᓐᓇᕐᒥᔪᑦ ᖃᓄᖅ ᑮᓇᐅᔭᓕᐅᕈᓐᓇᕐᒪᖔᑦ.
ᐃᓕᑕᖅᓯᓂᖅ ᐃᓕᓴᐃᑦᑎᐊᖅᓯᒪᔪᖅ, ᑕᑯᒃᓴᐅᑎᑦᑎᓪᓗᓂ ᐊᒻᒪ ᓴᖅᑭᔮᖅᑎᑦᑎᓪᓗᓂ ᐃᓄᐃᑦ ᓴᓇᙳᐊᖅᑎᖏᓐᓂᒃ ᐊᕕᒃᑐᖅᓯᒪᔪᓂ, ᓄᓇᕗᒻᒥ ᐊᒻᒪ ᑲᓇᑕᒥ ᐱᓕᕆᐊᖑᖃᑦᑕᖅᑐᓂᒃ. ᐃᑲᔪᖃᑦᑕᖅᑐᒍᑦ ᐃᓚᐅᖃᑦᑕᖅᓯᒪᔪᓄᑦ ᐊᓯᖏᓐᓄᓪᓘᓐᓃᑦ ᑐᕌᖓᔪᓄᑦ ᐱᓕᕆᐊᒃᓴᑦᑎᓐᓄᑦ, ᐃᓚᐅᖃᑕᐅᑦᑎᐊᕈᓐᓇᖅᓯᓂᐊᕐᒪᑕ ᑭᕙᓪᓕᕐᒥ ᑕᑯᒃᓴᐅᑎᑦᑎᑎᓪᓗᒋᑦ, ᓄᓇᕗᒻᒥ ᑕᑯᒃᓴᐅᑎᑦᑎᑎᓪᓗᒋᑦ ᐊᒻᒪᓗ ᐊᖅᓴᕐᓃᑦ ᑕᑯᒃᓴᐅᑎᑦᑎᑎᓪᓗᒋᑦ. ᓴᓇᙳᐊᖅᑎᑦ ᐃᓚᐅᒐᔪᒃᐳᑦ ᐃᖅᑲᓇᐃᔮᒥᓂᒃ ᑕᑯᒃᓴᐅᑎᑦᑎᔪᓂᒃ ᖃᓄᖅ ᐱᕙᓪᓕᐊᑎᑦᑎᔪᓐᓇᕐᒪᖔᑕ ᐊᒻᒪ ᐱᓕᕆᒃᑲᓐᓂᕈᓐᓇᖅᓯᖕᒪᖔᑕ.
ᒥᖅᑯᑦ
ᐃᑲᔪᖅᑐᖅᑕᐅᓪᓗᑎᒃ ᐊᔪᙱᑦᑐᓄᑦ ᐃᓐᓇᕐᓄᑦ ᐃᓕᓴᐃᔨᓄᑦ, ᐃᓚᐅᔪᑦ ᐊᐅᓚᖁᑎᒧᑦ ᒥᖅᑯᑦ ᐱᓕᕆᐊᒧᑦ ᐊᔪᕈᓐᓃᖅᑎᑦᑎᕙᓪᓕᐊᕗᑦ ᐱᖅᑯᓯᑐᖃᕐᓂᑦ ᐊᒻᒪᓗ ᒫᓐᓇᓕᓴᕐᓂᑦ ᐃᓄᐃᑦ ᒥᖅᓱᕐᓂᕐᒥᑦ. ᑖᓐᓇ ᐱᓕᕆᐊᖑᔪᖅ ᐊᑐᖅᐳᖅ ᑐᑭᖃᑦᑎᐊᖅᑐᓂᒃ ᐃᓕᖅᑯᓯᑐᖃᕐᓄᑦ ᐃᓗᓕᖏᓐᓂᒃ ᐃᓚᐅᑎᑦᑎᔪᒪᓪᓗᑎᒃ ᐃᑲᔪᖅᑐᐃᔪᒪᓪᓗᑎᒡᓗ ᐃᓚᐅᔪᓂᒃ ᐋᖅᑭᒃᓱᐃᕙᓪᓕᐊᔪᒪᓪᓗᑎᒃ ᐅᖃᓕᒫᕈᓐᓇᕐᓂᕐᒧᑦ/ᑎᑎᕋᕈᓐᓇᕐᓂᕐᒧᑦ, ᐅᖃᐅᓯᕐᓄᑦ ᐊᓯᖏᓐᓄᓪᓗ ᐊᑐᖅᑕᐅᔭᕆᐊᖃᒻᒪᕆᒃᐸᒃᑐᓄᑦ ᐊᔪᕈᓐᓃᖅᑕᐅᕙᒃᑐᓄᑦ. ᑖᒃᑯᐊ ᐋᖅᑭᒃᓯᒪᑦᑎᐊᖅᑐᑦ ᐱᓕᕆᐊᒃᓴᑦ ᐃᑲᔪᖅᓱᐃᕗᑦ ᐃᓄᖕᓂᒃ ᓄᑖᖑᓪᓗᑎᒃ ᒥᖅᓱᕐᓂᕐᒧᑦ ᒥᖅᓱᖅᑎᐅᓂᕐᒧᓪᓗ. ᐃᓚᐅᔪᑦᑕᐅᖅ ᐃᓚᐅᕙᒃᑭᕗᑦ ᐅᖃᓕᒫᕈᓐᓇᑦᑎᐊᖕᓂᖕᒧᑦ ᐱᔭᕆᐊᖃᒻᒪᕆᒃᑐᓂᒡᓗ ᐊᔪᙱᓐᓂᕆᔭᓂᑦ ᓴᖅᑭᑦᑎᕙᓪᓗᑎᓪᓗ ᐱᓕᕆᐊᖏᓐᓂᑦ ᐃᓕᓐᓂᐊᕐᑎᑦᑎᓂᖕᓂᓪᓗ. ᐊᒻᒪᓗᒃᑲᓐᓂᖅᑕᐅᖅ, ᖁᓱᔪᓐᓃᖅᑎᑦᑎᕙᓪᓕᐊᓂᖅ, ᐃᓱᒪᒃᑯᑦ ᖃᓄᐃᙱᑦᑐᓐᓇᕐᓂᕐᒧᑦ ᖃᓄᐃᙱᑦᑎᐊᕈᓐᓇᕐᓂᕐᒧᓪᓗ ᐱᓕᕆᐊᖑᕙᒃᑐᑦ ᐃᓚᓕᐅᔾᔭᐅᓯᒪᕗᑦ ᐊᒥᖅᑳᖃᑎᖃᕐᓂᐊᕐᓗᓂ ᐊᒃᓱᕈᕐᓇᖅᑐᒥᒃ ᐊᐅᓚᑦᑎᕝᕕᖃᕐᓂᕐᒥᒃ ᕿᓄᐃᓵᕐᓂᕐᒧᓪᓗ ᐊᑐᖅᑕᐅᕙᒃᑐᓂᒃ.
ᐃᖅᑲᓇᐃᔭᖅᑎᓪᓗᒋᑦ ᐃᑲᔫᑎᖃᖅᑐᑦ ᐃᓚᐅᖃᑕᐅᔪᑦ ᐊᒻᒪᓗ ᖃᑕᙳᑎᖏᑦ ᐊᒻᒪᓗ ᑕᑯᒃᓴᐅᑎᑕᐅᒐᔪᒃᖢᑎᒃ ᐊᒻᒪᓗ ᖁᕕᐊᓲᑎᒋᔭᐅᒐᔪᒃᖢᑎᒃ ᐊᓐᓄᕌᓂᒃ ᑕᑯᒃᓴᐅᑎᑦᑎᑎᓪᓗᒋᑦ ᐅᒃᑯᐃᖓᓪᓗᑎᒃ ᓄᓇᓕᖕᒥᐅᓄᑦ. ᑖᓐᓇ ᐱᓕᕆᐊᒃᓴᖅ ᐱᕙᒌᔭᖅᑎᑦᑎᕙᒃᑭᕗᖅ ᐃᓚᐅᔪᓂᒃ ᐃᖅᑲᓇᐃᔭᕐᓂᕐᒧᑦ ᖁᑦᑎᖕᓂᖅᓴᒥᒡᓘᓐᓃᑦ ᐃᓕᓐᓂᐊᕐᓂᕐᒧᑦ ᐊᔪᕈᓐᓃᖅᓴᕐᓂᕐᒧᓪᓗ.
4 ᑕᖅᑮᑦ
8-15 ᐃᓚᐅᖃᑕᐅᔪᑦ
ᑭᒃᑯᓕᒫᓄᑦ ᒪᑐᐃᖓᔪᖅ
ᒥᖅᑯᑦ ᐱᔭᕆᐊᑭᓐᓂᖅᓴᖅ
ᐱᔭᕆᐊᑭᓪᓕᖅᑎᑕᐅᓯᒪᓪᓗᓂ ᐊᒻᒪᓗ ᖃᓄᐃᑦᑐᓪᓚᑦᑖᓂᒃ ᒥᖅᑯᑦ ᐱᓕᕆᐊᕐᒥ ᑲᒪᑎᑕᐅᓪᓗᑎᑦ, ᒥᖅᑯᑦ ᐱᔭᕆᐊᑭᓐᓂᖅᓴᖅ ᐱᓕᕆᐊᖅ ᑲᒪᒋᔭᖃᓗᐊᖅᑐᖅ ᐊᑕᐅᓯᕐᒥᒃ ᐊᓐᓄᕌᕐᒥᒃ ᐋᖅᑭᓱᖅᓯᒪᓂᖓᓂᒃ ᐊᒻᒪᓗ ᓴᓇᓗᑎᑦ, ᐱᓗᐊᕐᓗᒍ ᔭᐸ (ᖁᓕᑦᑕᐅᔭᖅ). ᑖᓐᓇ ᐱᓕᕆᐊᖅ ᐃᓚᐅᖃᑕᐅᔪᓄᑦ ᑐᕌᖓᕗᖅ ᒥᖅᓱᕆᐅᖅᓴᔪᓄᑦ ᐅᕝᕙᓘᓐᓃᑦ ᐱᒃᑲᕈᒃᑲᓐᓂᕈᒪᔪᓄᑦ ᐊᔾᔨᙱᑦᑐᓂᑦ (ᐃᒃᐱᐊᕐᔪᓕᐅᕐᓂᖅ, ᓯᖀᓕᖅᓱᐃᓂᖅ, ᐊᓯᖏᓪᓗ)
5 ᐅᓪᓗᐃᑦ
6-8 ᐃᓚᐅᖃᑕᐅᔪᑦ
ᑭᒃᑯᓕᒫᓄᑦ ᒪᑐᐃᖓᔪᖅ
ᐊᒪᐅᓯᐅᖅᑎᑦᓯᓂᖅ/ ᐊᒪᐅᓯᐅᕐᓂᖅ (ᐊᒪᐅᑎᓕᐅᕐᓂᖅ)
ᑖᓐᓇ ᐱᓕᕆᐊᒃᓴᖅ ᐃᓕᑦᑎᔪᖅ ᐃᓚᐅᖃᑕᐅᔪᓂᒃ ᖃᓄᖅ ᒥᖅᓱᕐᓂᕐᒥᒃ ᐊᒪᐅᑎᒥᒃ ᐃᓱᒪᒋᔭᐅᔪᒥᒃ ᐱᔭᕇᕐᓂᕐᒧᑦ. ᐃᓚᐅᔪᑦ ᐱᓕᕆᖃᑎᖃᖅᓗᑎᒃ ᐃᓐᓇᒻᒪᕆᖕᓂᒃ ᐃᓕᓐᓂᐊᖅᑎᑦᑎᔨᓂᒃ ᐊᒻᒪᓗ ᒥᖅᓱᖅᑎᓂᒃ ᓴᓇᓗᑎᒃ ᑎᑎᕋᐅᔭᒐᕐᒥᒃ, ᐋᖅᑭᒃᓱᒐᕐᒥᒃ, ᖃᐅᔨᓗᑎᒃ ᓱᓇᒃᑯᑖᓂᒃ ᐊᒻᒪᓗ ᒥᖅᓱᖃᑎᒌᒡᓗᑎᒃ. ᐃᓚᐅᖃᑕᐅᔪᑦ ᐱᓕᕆᐊᒧᑦ ᐃᓕᑦᑎᓗᑎᒃ ᐅᖃᐅᓯᕐᓂᒃ ᐊᒻᒪᓗ ᑕᐃᒎᓯᕐᓂᒃ ᐊᑐᓂ ᐊᒪᐅᑎᐅᑉ ᐃᓚᖓᓂᒃ ᐃᓄᒃᑎᑐᑦ. ᕿᒥᕐᕈᔭᐅᓯᒪᖕᒥᔪᑦ ᐊᔾᔨᒌᙱᑦᑐᑦ ᐋᖅᑭᒃᓯᒪᓂᕆᔭᖏᑦ ᐊᒻᒪ ᐋᖅᑭᒃᓯᒪᓂᕆᔭᖏᑦ ᐊᒪᐅᑏᑦ ᐅᑭᐅᖅᑕᖅᑐᓕᒫᒥ.
10 -15 ᐅᓪᓗᓄᑦ
6-8 ᐃᓚᐅᖃᑕᐅᔪᑦ
ᑭᒃᑯᓕᒫᓄᑦ ᒪᑐᐃᖓᔪᖅ
ᐆᒃᑑᑎᒃ
ᑖᓐᓇ ᐱᓕᕆᐊᖅ ᑐᕌᖓᑎᑕᐅᕗᖅ ᐊᕐᓇᓄᑦ ᒥᖅᓱᖅᑎᐅᒌᖅᑐᓄᑦ ᐊᒻᒪ ᓇᒻᒥᓂᖅ ᐊᐅᓚᑦᑎᓪᓗᑎᒃ ᓇᒻᒥᓂᕋᓛᖁᑎᒥᓐᓂᒃ. ᖃᐅᔨᒪᔭᒥᓂᒃ ᑐᓴᖅᑎᑦᑎᖃᑦᑕᖅᐳᑦ ᐊᔪᕈᓐᓃᖅᑎᑦᑎᓪᓗᑎᒃ ᐃᑲᔪᖅᑐᐃᖁᓪᓗᒋᑦ ᑲᔪᓯᑦᑎᐊᖁᓪᓗᒋᑦ ᐊᒻᒪ ᓴᖅᑭᑎᑦᑎᖁᓪᓗᒋᑦ. ᑎᑎᕋᕆᐊᕐᖓᕐᓂᖅ ᐊᑐᖅᑕᐅᒐᔪᒃᑐᓂᒃ, ᖃᓄᑎᒋᐅᓂᖏᑦ ᐊᔾᔨᒌᙱᕈᓘᔭᖅᑐᑦ ᐃᓕᓐᓂᐊᖅᑕᐅᕙᒃᐳᑦ ᐃᓚᖃᖅᖢᓂ ᑲᔪᓯᓂᖃᑦᑎᐊᕈᓐᓇᕐᓂᕐᒥᒃ, ᐊᑕᐅᓰᓐᓇᓕᔪᒥᒃ, ᐱᓕᕆᐊᖃᕈᓐᓇᕐᓂᕐᒥᒃ ᐋᖅᑭᒃᓱᐃᕙᓪᓕᐊᓂᕐᒧᑦ ᐊᔪᙱᓐᓂᕆᔭᒥᓂᒃ. ᓄᓇᕗᑦ ᕕᒃᑑᕆᐊ ᖃᑯᒃᑎᓐᓂᖅ, ᐃᓚᖃᖅᖢᓂ ᐊᐃᒥ ᐊᐃᒋᑦᓕᒃ ᑕᕕᒥᑦ ᐊᒻᒪ ᐃᓕᑕᖅᓯᓂᖅ ᐃᖅᑲᓇᐃᔭᖅᑎᖏᓐᓂᒃ, ᐃᓕᓐᓂᐊᖅᑎᑦᑎᕗᖅ ᐃᓚᐅᔪᓂᒃ ᒫᓐᓇᓕᓴᕐᓂᒃ ᐆᒃᑐᕋᐅᑎᓂᒃ, ᐱᕙᓪᓕᐊᓂᐅᔪᓂᒃ ᐊᒻᒪ ᐋᖅᑭᒋᐊᖅᓯᓪᓗᑎᒃ ᐊᔾᔨᒌᙱᑦᑐᓂᒃ ᐊᖏᓂᖏᓐᓂᒃ (ᐋᖅᑭᒃᓱᐃᓂᖅ). ᐃᓚᐅᔪᑦ ᑐᓴᖅᑎᑕᐅᕙᒃᐳᑦ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᓂᕐᒧᑦ ᐃᑲᔪᖅᑐᐃᓂᕐᓂᒃ, ᓂᐅᕐᕈᑎᖃᕐᓂᕐᒥᒃ ᒪᓂᓴᐅᓯᐅᕐᓂᕐᒥᒡᓗ ᐅᖃᐅᓯᖃᖅᖢᑎᒡᓗ ᖃᓄᖅ ᓇᓕᒧᒌᒃᑎᑦᑎᔪᓐᓇᕐᒪᖔᑕ ᐊᖏᕐᕋᕆᔭᒥᓂ ᓇᖕᒥᓂᕆᔭᐅᔪᒥᒃ ᐃᓅᓯᕐᒥᓂ. ᓇᖕᒥᓂᖃᕐᓂᕐᒧᑦ ᖃᐅᔨᒪᔨᑕᒻᒪᕇᑦ ᑐᙵᓱᒃᑎᑕᐅᕗᑦ ᐅᓂᒃᑳᖁᔭᐅᓪᓗᑎᒃ ᑮᓇᐅᔭᓂᒃ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ, ᐱᕕᒃᓴᐅᔪᓐᓇᖅᑐᓂᒃ ᑐᓴᐅᒪᖃᑎᒌᖕᓂᕐᒧᑦ, ᑕᑯᒃᓴᐅᑎᑦᑎᓂᕐᒧᑦ ᐊᒻᒪ ᓂᐅᕐᕈᑎᖃᕐᓂᕐᒧᑦ ᐱᖁᑎᓂᒃ ᐊᒻᒪ ᓴᓇᐅᒐᕐᓂᒃ ᐊᒻᒪ ᓴᓇᐅᒐᕐᓂᒃ ᐃᑲᔪᖅᓱᐃᔾᔪᑎᓂᒃ ᐃᑲᔫᑕᐅᓂᐊᖅᑐᓂᒃ ᐃᓚᐅᔪᓄᑦ ᐱᓕᕆᐊᒧᑦ.
ᑕᓪᓕᒪᓄᑦ ᐅᓪᓗᓄᑦ
6-8 ᐃᓚᐅᖃᑕᐅᔪᑦ
ᒪᑐᐃᖓᔪᖅ ᒥᖅᓱᖅᑎᒻᒪᕆᐅᔭᕇᖅᑐᓄᑦ
ᕿᓯᓕᕆᓂᖅ
ᑐᕌᒐᖓ ᑖᑦᓱᒪᑉ ᐱᓕᕆᐊᑉ ᐱᕙᓪᓕᐊᑎᑦᓯᒍᒪᓂᐅᕗᖅ ᐱᖅᑯᓯᑐᖃᕐᓂᒃ ᐊᒻᒪᓗ ᐅᓪᓗᒥᓯᐅᑎᓂᒃ ᐱᔪᓐᓇᕐᓂᐅᔪᓂᒃ ᕿᓯᓕᕆᓂᕐᒥᒃ. ᕿᓯᓕᕆᓂᖅ ᐊᒻᒪ ᕿᓯᓕᕆᓂᖅ ᐃᓚᒋᔭᐅᓪᓚᕆᓚᐅᖅᐳᖅ ᐃᓅᓯᕆᔭᐅᔪᓄᑦ ᐃᓄᖕᓄᑦ ᐊᒻᒪ ᓄᓇᑐᖃᕆᙱᑕᒥᓄᑦ ᓄᓇᑖᖅᑎᑕᐅᓯᒪᔪᑦ ᐅᓄᖅᑐᑦ ᐃᓚᒌᑦ ᐊᓯᐅᔨᓯᒪᓕᖅᑐᑦ ᑖᒃᑯᓂᖓ ᐱᒻᒪᕆᐅᔪᓂᒃ ᐊᔪᖅᑕᐅᙱᑦᑐᓂᒃ ᐃᓚᒥᓄᑦ. ᑖᓐᓇ ᐱᓕᕆᐊᖅ ᐱᕕᒃᓴᐅᕗᖅ ᐅᑎᖅᑎᑦᑎᔾᔪᑕᐅᒃᑲᓐᓂᖅᖢᓂ ᑖᒃᑯᓂᖓ ᐊᔪᖅᑕᐅᙱᑦᑐᓂᒃ.
10 ᐅᓪᓗᓄᑦ
5-8 ᐃᓚᐅᖃᑕᐅᔪᑦ
ᑭᒃᑯᓕᒫᓄᑦ ᒪᑐᐃᖓᔪᖅ
ᕿᑦᑎᕆᓂᖅ ᐊᒻᒪ ᑲᒻᒥᒋᐅᖅᓴᓂᖅ
ᑖᓐᓇ ᐱᓕᕆᐊᖅ ᑕᑯᑦᓴᐅᑎᑦᓯᔪᖅ ᑕᒪᒃᑮᓐᓂᒃ ᐱᖅᑯᓯᕐᒥᒃ ᐊᒻᒪᓗ ᐅᓪᓗᒥᓯᐅᑎᓂᒃ ᐱᔪᓐᓇᕐᓂᐅᔪᓂᒃ ᕿᓯᓕᕆᓂᕐᒥᒃ ᑲᒻᒥᓕᐅᕐᓂᕐᒧᑦ. ᐃᓚᐅᖃᑕᐅᔪᑦ ᓇᐅᒃᑯᓕᒫᖅ ᐊᑐᕋᔭᖅᑐᑦ ᓇᓃᓐᓂᖏᓐᓂᒃᓗ ᐱᕙᒌᔭᐃᓂᕐᓂ ᐊᒥᕐᓂᒃ ᐃᓕᑦᑎᓗᑎᒃᓗ ᐅᓄᖅᑐᓂᒃ ᐊᔪᕐᓇᕈᑎᓂᒃ ᐋᖅᑭᒃᓯᒪᓂᕐᓂ ᒥᖅᓱᕐᓂᕐᓂᒃᓗ ᑲᒥᒥᒃ. ᐃᓚᐅᖃᑕᐅᔪᑦ ᐊᖏᕐᕋᐅᔾᔨᔪᓐᓇᕐᓂᐊᖅᑐᑦ ᐱᓕᕆᔾᔪᑎᖏᓐᓂᒃ ᐊᑐᖃᑦᑕᖅᑕᖏᓐᓂ ᐃᓕᓐᓂᐊᒐᒃᓴᒥ, ᑲᔪᓯᔪᓐᓇᕐᓂᐊᕐᒪᑕ ᐃᓕᑦᑎᕙᓪᓕᐊᓂᕐᒥ ᐊᖏᕐᕋᒥᓂ ᖃᑕᙳᑎᖏᓐᓂᒃᓗ.
5 ᐱᓇᓱᐊᕈᓰᑦ
6-8 ᐃᓚᐅᖃᑕᐅᔪᑦ
ᑭᒃᑯᓕᒫᓄᑦ ᒪᑐᐃᖓᔪᖅ
ᒥᖅᓱᖅᐸᓪᓕᐊᓕᖅᑎᒍᑦ
ᐱᕋᔭᖃᑦᑕᐅᖃᑦᑕᖅᓯᒪᔪᑦ ᐊᓂᒍᐃᓯᒪᔪᑦ, ᑖᓐᓇ ᐱᓕᕆᐊᒃᓴᖅ ᐃᓚᓕᐅᔾᔨᕗᖅ ᓴᙱᓂᖅᓴᒥᒃ ᑲᒪᒋᔭᐅᓂᖅᓴᐅᓗᓂ ᒪᒥᓴᕐᓂᕐᒥᒃ ᐊᒻᒪ ᐃᓄᐃᑦ ᐱᔪᓐᓇᕐᓂᖅᑖᖅᑎᑕᐅᓂᖏᓐᓂᒃ ᐱᓕᕆᐊᕆᕙᒃᑕᑦᑎᓐᓂ. ᐃᓚᐅᖃᑕᐅᔪᑦ ᐃᓕᓐᓂᐊᖃᑕᐅᓗᑎᒃ ᒥᖅᓱᕐᓂᕐᒥᒃ ᒥᖅᓱᕐᓂᕐᒥᒃ ᔭᐸᒥᒃ (ᖁᓕᒃᑕᐅᔭᕐᒥᒃ) ᐊᒻᒪᓗ ᐱᔮᕆᓗᑎᒃ ᒪᒥᓴᕐᓂᕐᒥᒃ ᖃᓄᐃᓕᐅᕈᑎᓂᒃ.
ᑕᓪᓕᒪᓄᑦ ᐅᓪᓗᓄᑦ
8-10 ᐃᓚᐅᔪᑦ
ᒪᑐᐃᙶᖅᐳᖅ ᐊᓂᒍᐃᓯᒪᔪᓄᑦ ᐱᕋᔭᒃᑕᐅᓯᒪᔪᓄᑦ
ᐊᑐᐃᓐᓇᐅᓲᑦ ᖃᖓᓕᒫᒃᑯᑦ ᐊᕐᕌᒍᒥ
