Photo Credit: Justin Tang/Arctic Inspiration Prize (AIP)

ᐱᓕᒻᒪᒃᓴᐃᔪᓕᕆᓂᖅ ᐱᓕᕆᐊᖅ ᑲᔪᓯᓂᖃᓕᕆᕗᖅ ᐃᓄᐃᑦ ᓄᓇᖓᖕᓂ

ᓯᕗᓪᓕᖅᐹᑦᑎᐊᒥ, ᐃᓕᑕᖅᓯᓂᖅ ᐊᔾᔨᐅᙱᑦᑐᓂᒃ ᓄᓇᓕᖕᓂ ᐱᓕᕆᐊᒃᓴᑦᑎᓐᓂᒃ ᓴᖅᑭᑎᑦᑎᔪᓐᓇᕐᓂᐊᖅᐳᑦ ᐃᓄᐃᑦ ᓄᓇᖓᓐᓂ!

ᐃᑲᔪᖅᑐᖅᑕᐅᓗᑎᒃ $1 ᒥᓕᐊᓐ ᑮᓇᐅᔭᑦ ᐅᑭᐅᖅᑕᖅᑐᒥ ᑲᔪᖏᖅᓴᐃᓂᕐᒧᑦ ᐱᔾᔪᓯᐊᖅ 2022−ᒥ, ᐃᓕᑕᖅᓯᓂᖅ ᑲᒪᒋᔭᖃᕐᓂᐊᖅᑐᑦ ᐋᖅᑭᒃᓱᐃᓗᑎᒃ ᐅᐸᒃᑕᐅᖅᑳᖅᐸᒃᑐᓂᒃ ᐃᓱᒪᒥᒍᑦ ᐊᔪᕈᑎᓕᖕᓄᑦ ᐊᓂᒍᐃᔪᓐᓇᕐᓂᕐᒥᒃ ᐃᓄᐃᑦ ᖃᐅᔨᒪᔭᑐᖃᖏᑦ ᒪᓕᒡᓗᒋᑦ (ᐃᓄᐃᑦ ᐃᓅᖃᑎᒌᓄᑦ ᑐᙵᕕᖏᑦ) ᐃᓄᕕᐊᓗᐃᑦ ᓄᓇᖓᓂ, ᓄᓇᕗᒻᒥ ᐱᖓᓱᑦ ᐊᕕᒃᑐᖅᓯᒪᔪᑦ, ᓄᓇᕕᖕᒥ ᐊᒻᒪ ᓄᓇᑦᓯᐊᕗᒻᒥ.

ᐱᓕᒻᒪᒃᓴᕐᓂᖅ ᐱᓕᕆᐊᖅ ᐱᕈᖅᐸᓪᓕᐊᑎᑦᑎᕗᖅ 2022-ᒥ ᓯᕗᓪᓕᖅᐹᒥ ᐆᒃᑑᒪᔭᒍᑕᐅᓪᓗᓂ, “ᐋᖅᑭᒃᓱᐃᓂᖅ ᓄᓇᓕᖕᓂ ᓯᕗᓕᖅᑎᓂᒃ ᐃᓕᓐᓂᐊᖅᑕᐅᒐᔪᙱᑦᑐᓂᒃ ᐱᓕᕆᐊᒃᓴᓂᒃ.” ᑖᓐᓇ “ᐱᓕᒻᒪᒃᓴᐃᓗᓂ ᐱᓕᒻᒪᒃᓴᐃᔨᒥᒃ” ᐱᓕᕆᐊᒃᓴᒥ ᐱᑎᑦᑎᓪᓗᓂ ᐃᓚᐅᖃᑕᐅᔪᓂᒃ ᐊᑕᖐᔪᒥᒃ, ᐃᓚᓕᐅᔾᔨᓯᒪᔪᒥᒃ ᐊᑐᕆᐊᕐᓂᕐᒥᒃ ᐱᒋᐊᖅᑎᑕᐅᔪᒥᒃ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐃᑲᔪᖅᓱᐃᓂᕐᒧᑦ ᐱᓕᕆᐊᒃᓴᒧᑦ ᐱᕙᓪᓕᐊᑎᑦᑎᓂᕐᒥᒃ ᐊᒃᓱᕈᕐᓇᖅᑐᒃᑰᖅᑐᓄᑦ ᑐᓴᐅᒪᓗᑎᒃ ᐊᑐᕆᐊᕈᑎᓂᒃ ᐃᓕᓗᒋᑦ ᐅᖃᓕᒫᕈᓐᓇᕐᓂᖅ/ᑎᑎᕋᕈᓐᓇᕐᓂᖅ ᐅᖃᐅᓯᓕᕆᓂᕐᒧᓪᓗ ᐊᔪᙱᓐᓂᕐᓂ ᕿᑎᐊᓂ ᐃᓕᑕᖅᓯᓂᒃᑯᑦ ᐃᓕᖅᑯᓯᓕᕆᔾᔪᓯᖏᓐᓄᑦ. ᑐᕌᕆᔭᖓ ᑖᔅᓱᒪ ᓄᑖᑉ ᐱᓕᕆᐊᒃᓴᐅᑉ – ᑎᑎᕋᖅᓯᒪᔪᖅ 2.0 − ᐊᖏᒡᓕᒋᐊᖅᑎᓪᓗᒍ ᐆᒃᑑᒪᔭᒍᑕᐅᔪᖅ ᐱᓕᕆᐊᒃᓴᖅ ᐃᓚᒃᑲᓐᓂᖏᓐᓂ ᐃᓱᒪᓕᕆᓂᕐᒧᑦ ᖃᐅᔨᒪᓂᖏᓐᓂ ᐃᓄᐃᓪᓗ ᖃᓄᐃᙱᑦᑎᐊᕐᓂᕐᒥ ᐃᓕᓴᐃᔾᔪᑎᓂᒃ.

ᐱᕙᓪᓕᐊᒍᑎᒋᔭᐅᓂᖓ 1

ᓯᕗᓪᓕᕐᓂᑦ 18−ᓂᑦ ᑕᖅᑭᓂᑦ, ᐱᓕᕆᖃᑎᖃᕐᓂᐊᖅᑐᒍᑦ ᐃᓄᓐᓂᑦ ᐃᓄᑐᖃᕐᓂᑦ, ᖃᐅᔨᒪᓂᖃᕐᓂᕐᒥᑦ ᐱᓯᒪᑦᓯᔨᓂᑦ ᐃᓱᒪᓕᕆᓂᕐᒧᓪᓗ ᐱᓕᕆᔨᒻᒪᕆᓐᓂᑦ ᖃᐅᔨᓴᑲᓐᓂᕐᓂᕐᒥᑦ, ᓇᓗᓇᐃᖅᓯᓂᕐᒥᑦ ᐃᓕᓯᒪᔪᓂᑦ ᐃᓱᒪᓕᕆᓂᕐᒧᑦ ᐱᔪᓐᓇᑦᓯᐊᕐᓂᕐᒥᑦ ᐃᓄᐃᓪᓗ ᖃᓄᐃᖏᑦᓯᐊᕐᓂᕐᒧᑦ ᐱᖅᑯᓯᕐᓂᑦ ᐃᓕᓐᓂᐊᑎᑦᓯᓂᕐᒥᑦ ᓯᕗᓪᓕᖅᐹᒥᒃ ᖃᐅᔨᓴᕐᓂᐅᔪᒥᑦ ᐱᓕᕆᔾᔪᑕᐅᓂᐊᖅᑐᓂᑦ.

ᓯᕗᓪᓕᖅᐹᖑᔪᖅ ᐱᓕᕆᐊᖑᓂᐊᖅᑐᖅ ᐱᓕᕆᖃᑎᒌᓕᕋᓱᐊᕐᓗᑎᒃ ᐱᓕᕆᐊᒃᓴᓕᕆᔨᐅᑐᐃᓐᓇᕆᐊᖃᖅᑐᓂ ᐃᓄᕕᐊᓗᐃᑦ ᓄᓇᖓᓂ, ᓄᓇᕕᖕᒥᑦ ᐊᒻᒪ ᓄᓇᑦᓯᐊᕗᒻᒥᐅᑦ ᐃᑲᔪᕐᓗᑎᑦ ᑐᒡᓕᐊᓂ ᐊᒻᒪ ᑐᒡᓕᐊᓂ ᐃᓕᓐᓂᐊᖅᑎᑦᑎᓗᑎᑦ. ᑖᒃᑯᐊ ᐱᓕᕆᖃᑎᒌᖕᓃᑦ ᐱᕈᖅᐸᓪᓕᐊᑎᑦᑎᓂᐊᖅᑐᑦ ᐃᓚᐅᖃᑕᐅᓵᕐᓂᕐᓂ.

ᑐᕌᒐᖃᖅᐳᒍᑦ ᓴᖅᑭᑦᑎᔪᒪᓪᓗᑕ ᓄᑖᓂᒃ ᐱᓕᕆᖃᑎᒌᒍᑕᐅᔪᓐᓇᖅᑐᓂᒃ ᓇᖕᒥᓂᖃᖃᑕᐅᔪᓂᒃ ᑖᒃᑯᓇᓂ ᓄᓇᓕᖕᓂ ᐃᑲᔪᕐᓗᒋᑦ ᑐᓴᐅᒪᑎᑦᑎᓂᕐᒥᒃ ᐊᒻᒪ ᐋᖅᑭᒃᓯᓂᕐᒥᒃ ᐱᓕᕆᐊᒥᒃ ᑐᑭᖃᑦᑎᐊᖅᑐᒃᑯᑦ ᑕᑯᒃᓴᐅᑎᑦᑎᔪᒥᒃ ᐊᕙᑎᖏᓐᓂᒃ.

ᑕᒪᓐᓇ ᖃᐅᔨᓴᕐᓂᖅ ᐋᖅᑭᒃᓯᓂᐊᖅᐳᖅ ᑐᙵᕕᒋᔭᐅᔪᒥᒃ ᐅᔾᔨᕐᓇᖅᑐᒻᒪᕆᒃᑯᑦ ᐊᖏᒡᓕᒋᐊᖅᑎᑦᑎᓂᐊᕐᓗᓂ ᐃᓱᒪᒃᑯᑦ ᖃᓄᐃᙱᑦᑎᐊᕈᓐᓇᕐᓂᕐᒧᑦ ᐊᔪᙱᓐᓂᕆᔭᐅᔪᓂᒃ ᐃᓕᑕᖅᓯᓂᒃᑯᑦ ᐃᖅᑲᓇᐃᔭᖅᑎᒋᔭᐅᔪᓄᑦ ᐊᒻᒪᓗᑦᑕᐅᖅ ᓄᓇᓕᖕᓂ−ᑐᙵᕕᓕᖕᓄᑦ ᐱᓕᕆᐊᒃᓴᓄᑦ ᐱᑎᑦᑎᕙᒃᑐᓄᑦ ᐃᓄᐃᑦ ᓄᓇᖏᓐᓂᑦ ᐃᖅᑲᓇᐃᔭᖅᐸᒃᑭᓪᓗᑎᒃ ᖃᐅᑕᒫᑦ ᐱᔨᑦᑎᕋᕐᕕᖃᖅᖢᑎᒃ ᓴᙱᓂᖅᑖᖅᑎᑦᑎᔪᒪᓪᓗᑎᒃ ᐃᓄᖕᓂᒃ.

ᐱᕙᓪᓕᐊᒍᑎᒋᔭᐅᓂᖓ 2

18−ᓄᑦ ᑕᖅᑭᓄᑦ, ᐆᒃᑑᒪᔭᖕᓂᐊᖅᐸᕗᑦ ᐱᓕᕆᐊᕗᑦ ᓄᓇᓕᖕᓂᑦ ᐃᓕᓐᓂᐊᖅᓯᓐᓈᑦ ᑲᑎᒪᓂᒃᑯᑦ 6−ᓂᑦ ᐃᓄᐃᑦ ᓄᓇᖏᓐᓂᑦ. ᐃᓕᓐᓂᐊᖅᓯᓐᓈᑦ ᑲᑎᒪᓯᓐᓈᑦ, ᐃᑲᔪᖅᓱᐃᔾᔪᑎᓂᒃ ᑐᓴᖅᑎᑦᑎᓂᐊᖅᐳᒍᑦ ᐋᖅᑭᒃᑕᐅᔪᓂᒃ ᐱᓕᕆᔾᔪᓯᖅ 1−ᒥ ᐊᒻᒪ ᐃᑲᔪᖅᓱᐃᖏᓐᓇᖅᐸᒡᓗᑎᒃ ᓄᓇᓕᖕᓂ ᐱᓕᕆᐊᓄᑦ ᐃᖅᑲᓇᐃᔭᖅᑎᓄᑦ ᐱᓕᒻᒪᒃᓴᖃᑕᐅᔪᓄᑦ.

ᖁᔭᓕᕗᒍᑦ ᐅᑭᐅᖅᑕᖅᑐᒥ ᑲᔪᖏᖅᓴᐃᓂᕐᒧᑦ ᓵᓚᒃᓴᐅᓯᐊᕐᒥᒃ ᐊᓯᖏᓐᓂᒡᓗ ᑮᓇᐅᔭᖃᖅᑎᑦᑎᔨᓂᒃ ᐃᑲᔪᕐᓂᐊᖅᑐᓂᒃ: ᐊᒡᓃᑯ ᐄᒍᓪ, ᓄᓇᕗᑦ ᒐᕙᒪᒃᑯᑦ, ᓴᓇᔭᐅᑎᓪᓗᒍ ᐊᒻᒪ ᓄᓇᕗᑦ ᑐᙵᕕᒃᑯᑦ ᑎᒥᖓᑦ. ᖁᐊᔭᓐᓇᒦᒃ!

ᖁᕕᐊᓱᒃᐳᒍᑦ ᑲᑎᙵᖃᑎᖃᕈᓐᓇᕋᑦᑕ ᐊᒻᒪ ᐱᖃᓐᓇᕆᔭᖅᑖᖅᐸᓪᓕᐊᓗᑕ ᐃᓄᐃᑦ ᓄᓇᖓᓐᓂ! ᓈᓚᖃᑦᑕᕆᑦ ᑐᑭᓯᒋᐊᒃᑲᓐᓂᕈᒪᒍᕕᑦ!