ᑐᓴᖅᑎᑦᑎᓂᖅ ᓄᑖᕐᒥᒃ ᓇᓗᓇᐃᒃᑯᑕᖃᓕᕐᓂᑦᑎᓐᓂᒃ!
ᖃᐅᔨᓯᒪᔪᒃᓴᐅᕗᑎᑦ ᑭᓯᐊᓂᓕ ᓄᑖᕐᒥᒃ ᓇᓗᓇᐃᒃᑯᑕᖃᓕᕋᑦᑕ!
ᓄᑖᖅ ᐃᑭᐊᖅᑭᕕᕗᑦ ᑕᑯᒃᓴᐅᑎᑦᑎᕗᖅ ᐱᐅᓯᑎᒋᐊᖅᓯᒪᔪᒥᒃ ᓄᑖᕐᒥᒃ ᓇᓗᓇᐃᒃᑯᑕᖓᓂᒃ ᐃᓕᑕᖅᓯᓂᒃᑯᑦ. ᓄᑖᖅ ᓇᓗᓇᐃᒃᑯᑕᖅ ᐋᖅᑭᒃᓱᖅᑕᐅᓚᐅᖅᓯᒪᔪᖅ ᐱᓕᕆᖃᑎᒋᔭᐅᑦᑎᐊᖅᑐᑎᑦ ᐋᑐᕚᒦᑦᑐᑦ ᑎᒥᐅᔪᖅ ᔅᐳᕉᔅ ᖃᓄᖅᑑᖅᑎᖏᑦ. ᕿᓚᐅᑦ ᓇᓗᓇᐃᒃᑯᑕᕆᔭᐅᔪᖅ ᐱᕙᓪᓕᐊᒍᑎᒋᔭᐅᓪᓗᓂ, ᓄᑖᖅ ᓇᓗᓇᐃᒃᑯᑕᖅ ᐱᓕᕆᐊᖃᕈᒪᓕᖅᑎᑦᑎᓂᖃᖅᑎᑦᑎᓯᒪᕗᖅ ᓄᓇᕗᒻᒥ ᐊᒻᒪᓗ ᐊᕐᕌᒍ ᐊᓂᒍᖅᐸᓪᓕᐊᑎᓪᓗᒍ ᓯᓚᖓ ᐊᓯᔾᔨᖅᑐᒻᒪᕆᐅᓲᖑᓂᖓᓂᒃ, ᐊᒻᒪᓗ ᐊᔾᔨᙳᐊᖃᐅᖅᑐᖅ ᑕᑯᒃᓴᐅᑎᑦᑎᓂᖃᖅᑐᒥᒃ ᑲᓱᖅᓯᒪᓂᕐᒥᒃ, ᓴᐃᒪᓂᕐᒥᒃ ᐊᒻᒪᓗ ᑕᒪᐃᓐᓅᖓᓂᑦᑎᓐᓂ.
- ᐊᑦᑐᐃᓂᖅᓴᖃᖁᓪᓗᒍ ᓄᓇᓕᑦᑎᓐᓂ ᐱᓕᕆᐊᕆᓲᑦᑎᓐᓄᑦ ᐊᒻᒪᓗ ᐱᐅᓯᕚᓪᓕᖁᓪᓗᒍ ᖃᓄᖅ ᑐᓴᐅᒪᑎᑦᑎᓂᖃᓲᖑᕗᑦ ᐊᒻᒪᓗ ᑲᑐᔾᔭᐅᓗᓂ ᑕᒪᓐᓇ ᐃᖅᑲᓇᐃᔮᕆᔭᖅ, ᐃᓕᑕᖅᓯᓂᖅ ᐃᖅᑲᓇᐃᔭᖃᑎᖃᕆᐊᓯᓚᐅᖅᓯᒪᔪᖅ ᐱᓕᕆᖃᑎᖃᕈᒪᓪᓗᑎᑦ ᔅᐳᕉᔅ ᖃᓄᖅᑑᖅᑎᖏᖕᓂᑦ ᓴᓇᔭᐅᓯᒪᓂᖓ ᖃᓄᖅᑑᕈᑎᖃᕐᓂᕐᒧᓪᓗ ᐱᓕᕆᖃᑎᒋᔭᐅᔪᒪᓪᓗᑎᑦ 2022-ᖑᑎᓪᓗᒍ, ᔅᐳᕉᔅ ᖃᓄᖅᑑᖅᑏᑦ, ᐱᓕᕆᖃᑎᖃᖅᑐᑎᑦ ᐃᓕᑕᖅᓯᓂᖅ ᐃᖅᑲᓇᐃᔭᖅᖏᖕᓂᒃ, ᓄᑖᕈᕆᐊᖅᑎᑦᑎᓚᐅᖅᑐᑦ ᓇᓗᓇᐃᒃᑯᑕᑦᑎᓐᓂᒃ, ᐋᖅᑮᓪᓗᑎᑦ ᐃᓕᓴᕆᔭᐅᓯᒪᓂᐊᓕᖅᑐᑦ ᐊᒥᐊᖏᑦ ᐊᕐᕌᒍ ᐊᓂᒍᖅᐸᓪᓕᐊᑎᓪᓗᒍ ᐊᓯᔾᔨᖃᑦᑕᕐᓂᐊ ᓯᓚᑉ ᑕᑯᒃᓴᐅᖁᓪᓗᒍ ᐊᒻᒪᓗ ᓴᓇᒋᐊᖅᑕᐅᓪᓗᓂ ᐃᑭᐊᖅᑭᕕᒃ ᐊᒻᒪᓗ ᑐᓴᐅᒪᖃᑎᒌᒍᑏᑦ.
- ᓄᑖᖅ ᓇᓗᓇᐃᒃᑯᑕᖅ ᐃᑲᔪᕐᓂᖃᕐᓂᐊᖅᑐᖅ ᐃᓕᑕᖅᓯᓂᒃᑯᓐᓂ ᑐᓴᕈᒥᓇᖅᑐᒥᒃ ᐅᓂᒃᑳᑦᑎᓐᓂ ᐅᖃᐅᓯᖃᖁᓪᓗᑕ ᐊᒥᓲᓂᖅᓴᓄᑦ ᓈᓚᒍᓐᓇᖅᑐᓄᑦ, ᐱᖃᓯᐅᑎᓗᒋᑦ ᑮᓇᐅᔭᖃᖅᑎᑦᑎᔨᕗᑦ ᐱᓕᕆᖃᑎᒋᓲᕗᓪᓗ ᓄᓇᕗᒻᒥ ᓯᓚᑖᓂᓗ, ᑕᒪᐃᓐᓅᖓᔪᓂᑦ ᐃᓱᒪᒋᒋᐊᖃᑦᑕᖅᑐᑕ ᖃᓄᐃᓕᐅᖏᓐᓇᖃᑦᑕᕐᓗᑕᓗ ᐃᓕᑕᖅᓯᓂᑉ ᐱᓕᕆᐊᖏᑦ ᐃᓄᐃᑦ ᐃᓕᖅᑯᓯᖓᓅᖓᓂᖃᕐᓂᐊᕐᓂᖏᖕᓂᑦ.
ᖁᔭᓐᓇᒦᒻᒪᕆᑦᑕᕗᑦ ᔅᐳᕉᔅ ᖃᓄᖅᑑᖅᑎᖏᑦᑕ ᐃᖅᑲᓇᐃᔭᖅᑎᖏᑦ ᐊᔪᙱᒻᒪᕆᑦᑕᒥᓄᑦ, ᓴᓇᕈᓘᔭᕈᓐᓇᕐᓂᖏᖕᓄᑦ ᐊᒻᒪᓗ ᐱᓕᕆᖃᑎᒌᓐᓂᕆᕙᑦᑕᑎᓐᓄᑦ.
